Qazaqstan Respýblıkasynyń Premer-Mınıstri K.MÁSIMOV
Qazaqstan Respýblıkasy Úkimetiniń 2011 jylǵy «28» qyrkúıektegi № 1103 qaýlysymen bekitilgen
Syıǵa tartý sharty boıynsha memlekettiń múlik quqyǵyna ıe bolý qaǵıdasy
1. Jalpy erejeler
1. Osy Syıǵa tartý sharty boıynsha memlekettiń múlik quqyǵyna ıe bolý qaǵıdasy (budan ári – Qaǵıda) syıǵa tartý sharty boıynsha memlekettiń múlik quqyǵyna ıe bolýyn retke keltirý maqsatynda ázirlendi jáne tıisti tártipti aıqyndaıdy. 2. Memleketke syıǵa tartý sharty boıynsha múlik quqyǵyn berý týraly sheshimdi múliktiń menshik ıesi qabyldaıdy jáne zańnamada belgilengen tártippen resimdelýi tıis. Syıǵa tartý sharty boıynsha memleketke beriletin múliktiń menshik ıeleri jeke tulǵalar jáne memlekettik emes zańdy tulǵalar bolyp tabylady.2. Syıǵa tartý sharty boıynsha memleketke múlik quqyǵyn berý tártibi
3. Memlekettik menshikke beriletin múliktiń menshik ıesi syıǵa tartý sharty boıynsha memleketke múlik quqyǵyn berý týraly usynyspen memlekettik múlik jónindegi ýákiletti organǵa ne onyń aýmaqtyq bólimshesine (budan ári – Aýmaqtyq bólimshe) ne oblystyń (respýblıkalyq mańyzy bar qalanyń, astananyń) jergilikti atqarýshy organdaryna (budan ári – jergilikti atqarýshy organdar) ótinish jasaıdy. Aýmaqtyq bólimshe múliktiń menshik ıesiniń ótinishi túsken kezde úsh jumys kúni ishinde atalǵan ótinishti memlekettik múlik jónindegi ýákiletti organǵa jiberedi. 4. Memlekettik múlik jónindegi ýákiletti organ nemese jergilikti atqarýshy organdar múliktiń menshik ıesiniń ótinish alǵan kúnnen bastap kúntizbelik jeti kún ishinde syıǵa tartý sharty boıynsha múlik quqyǵyn memlekettik menshikke alýynyń qajettigi týraly qorytyndy usyný úshin ortalyq atqarýshy organdardy nemese jergilikti memlekettik basqarýdyń jekelegen fýnksııalaryn júzege asyrýǵa jergilikti atqarýshy organdar ýákilettik bergen jergilikti bıýdjetten qarjylandyrylatyn atqarýshy organdardy (budan ári - memlekettik organdar) syıǵa tartý sharty boıynsha memleketke múlik quqyǵyn berý jónindegi qolda bar usynys týraly habardar etedi. 5. Memlekettik organdar tıisti usynysty alǵan kúnnen bastap kúntizbelik otyz kún ishinde syıǵa tartý sharty boıynsha memlekettiń múlik quqyqtaryna ıe bolý qajettiligi (qajetiniń joqtyǵy) týraly qorytyndy daıyndaıdy jáne memlekettik múlik jónindegi ýákiletti organǵa nemese jergilikti atqarýshy organdarǵa jiberedi. 6. Syıǵa tartý sharty boıynsha memlekettiń múlik quqyqtaryna ıe bolý qajettigi máselesin qaraý kezindegi negizgi ólshemder: 1) múlikti memlekettik menshikke qabyldaýdyń ekonomıkalyq oryndylyǵy; 2) múlikti memlekettik menshikke qabyldaǵannan keıingi maqsaty men paıdalanylýy; 3) beriletin múliktiń qarjylyq qamtamasyz etilýi bolyp tabylady. Memlekettik organnyń qorytyndysynda Qazaqstan Respýblıkasynyń zańnamasynda kózdelgen múlik tıistiliginiń belgilengen normatıvteri men lımıtterin eskere otyryp, kórsetilgen múlikti bekitip berý kózdeletin memlekettik mekeme nemese memlekettik kásiporyn (budan ári – memlekettik zańdy tulǵa), sondaı-aq qabyldanatyn múlikti ustaý jáne paıdalaný boıynsha qarjy shyǵyndary kórsetilýi tıis. Quqyǵy syıǵa tartý sharty boıynsha memleketke beriletin múliktiń menshik ıesiniń atalǵan múlikti berý úshin naqty memlekettik zańdy tulǵany aıqyndaýy memlekettik múlik jónindegi ýákiletti organnyń nemese jergilikti atqarýshy organdardyń oryndaýy úshin mindetti bolyp tabylmaıdy. 7. Múlik respýblıkalyq nemese kommýnaldyq menshikke qabyldanady. Oryndy bolǵan jaǵdaıda respýblıkalyq menshikke beriletin memlekettik emes zańdy jáne jeke tulǵalardyń múlki boıynsha syıǵa tartý shartyn jasasý týraly sheshimdi memlekettik múlik jónindegi ýákiletti organ qabyldaıdy. Bul rette eger memlekettik emes zańdy jáne jeke tulǵalar múlkiniń quny aılyq eseptik kórsetkishtiń 30000 eselengen mólsherinen asqan jaǵdaıda, Qazaqstan Respýblıkasy Úkimetiniń kelisimi qajet. Kommýnaldyq menshikke beriletin memlekettik emes zańdy jáne jeke tulǵalardyń múlki boıynsha syıǵa tartý shartyn jasasý týraly sheshimdi jergilikti atqarýshy organdar qabyldaıdy. Syıǵa tartý sharty boıynsha múlikti bolashaqta memlekettik menshikke qabyldaý týraly sheshim osy Qaǵıdanyń 3-taraýynda kózdelgen erekshelikter eskerile otyryp qabyldanady. 8. Jeke tulǵalardyń múlkin baǵalaý Qazaqstan Respýblıkasynyń baǵalaý qyzmeti týraly zańnamasyna sáıkes júzege asyrylady. Aqsha men baǵaly qaǵazdar baǵalaýshyny tartpastan, nomınaly boıynsha baǵalanady. 9. Zańdy tulǵalar men dara kásipkerler múlkiniń quny teńgerimnen úzindi kóshirmemen nemese baǵalaýshy jasaıtyn baǵalaý týraly eseppen rastalady. 10. Osy Qaǵıdanyń 7, 19-tarmaqtarynda kózdelgen sheshim qabyldanǵannan keıin kúntizbelik jıyrma kúnnen aspaıtyn merzimde memlekettik menshikke beriletin múliktiń menshik ıesi men memlekettik múlik jónindegi ýákiletti organ ne onyń aýmaqtyq bólimshesi nemese jergilikti atqarýshy organdar arasynda Qazaqstan Respýblıkasynyń Azamattyk kodeksine sáıkes syıǵa tartý sharty jasalady. Syıǵa tartý sharty syıǵa tartý sharty taraptarynyń árqaısysy úshin birdeı zań kúshi bar eki danadan qazaq jáne orys tilderinde tórt danada jasalady. 11 Múlikti memlekettik menshikke qabyldaý kezinde syıǵa tartý shartynda belgilengen merzimde qabyldaý – berý aktisi (berý aktisi) resimdeledi. 12. Jyljymaıtyn múlikke quqyqtardy tirkeý jyljymaıtyn múlikke quqyqtardy memlekettik tirkeý týraly zańnamaǵa sáıkes júzege asyrylady. Zańnamalyq aktilerde kórsetilgen jaǵdaılardan basqa jyljymaly múlikke quqyqtardy tirkeý talap etilmeıdi. 13. Memlekettik múlik jónindegi ýákiletti organ nemese jergilikti atqarýshy organdar quqyǵyn memleket syıǵa tartý sharty boıynsha ıelengen múlikti esepke alýdy Memlekettik kásiporyndar men mekemelerdiń, jarǵylyq kapıtalyna memleket qatysatyn zańdy tulǵalardyń tizilimine ol týraly málimetterdi engizý jolymen júrgizedi. 14. Baǵaly qaǵazdar naryǵynyń obektilerin berý men tirkeý osy Qaǵıdanyń 7-tarmaǵynda kózdelgen sheshim qabyldanǵannan keıin ne menshik ıesiniń bolashaqta múlik quqyǵyn memlekettik menshikke óteýsiz berý ýádesin qamtıtyn syıǵa tartý shartynda belgilengen kún bastalǵannan keıin baǵaly qaǵazdar naryǵy týraly zańnamaǵa sáıkes júrgiziledi. 15. Aqsha túrindegi múlik tıisti bıýdjettiń kirisine esepteledi. Shetel valıýtasy osy Qaǵıdanyń 7-tarmaǵynda kózdelgen sheshim qabyldanǵan kúni ne menshik ıesiniń bolashaqta múlik quqyǵyn memlekettik menshikke óteýsiz berý ýádesin qamtıtyn shartta belgilengen berý kúni aıqyndalǵan Qazaqstan Respýblıkasy Ulttyq Bankiniń valıýta aıyrbastaýdyń naryqtyq baǵamy boıynsha tıisti bıýdjettiń kirisine esepteledi. Bıýdjetke salyqtyq emes túsimder bolyp tabylatyn kórsetilgen aqshalaı qarajatty tıisti bıýdjetke aýdarýdy menshik ıesi osy Qaǵıdanyń 7-tarmaǵynda kózdelgen sheshim qabyldanǵannan keıin kúntizbelik jıyrma kún ishinde memlekettik josparlaý jónindegi ortalyq memlekettik organ bekitetin Biryńǵaı bıýdjettik synyptamanyń tıisti kodtaryna júrgizedi. Menshik ıesiniń bolashaqta múlik quqyǵyn memlekettik menshikke óteýsiz berý ýádesin qamtıtyn syıǵa tartý sharty boıynsha aqshalaı qarajatty aýdarý syıǵa tartý shartynda belgilengen merzimde júzege asyrylady. 16. Syıǵa tartý shartynyń negizinde jer ýchaskelerin jeke menshikten memlekettik menshikke berý Qazaqstan Respýblıkasynyń Jer kodeksinde kózdelgen erekshelikter eskerile otyryp júzege asyrylady. 17. Múlikti jeke menshikten memlekettik menshik quramyna jalpy paıdaly maqsattarda berý (qaıyrmaldyq) Qazaqstan Respýblıkasy Azamattyq kodeksiniń 516-babyna sáıkes júzege asyrylady. 18. Memlekettik organdar múlikti memlekettik menshikke qabyldaý qajettiginiń joq ekendigi týraly qorytyndylar usynǵan jaǵdaıda, memlekettik múlik jónindegi ýákiletti organ nemese jergilikti atqarýshy organdar múliktiń menshik ıesine múlikti memlekettik menshikke qabyldaýdan bas tartýdy jazbasha túrde jiberedi.3. Syıǵa tartý sharty boıynsha bolashaqta memleketke múlik quqyǵyn berý tártibiniń erekshelikteri
19. Oryndy bolǵan jaǵdaıda menshik ıesiniń múlik quqyǵyn bolashaqta respýblıkalyq menshikke óteýsiz berý ýádesin qamtıtyn syıǵa tartý shartyn jasasý týraly sheshimdi memlekettik múlik jónindegi ýákiletti organ qabyldaıdy. Bul rette, eger memlekettik emes zańdy jáne jeke tulǵalar múlkiniń quny aılyq eseptik kórsetkishtiń 30 000 eselengen mólsherinen asqan jaǵdaıda, menshik ıesiniń múlik quqyǵyn bolashaqta respýblıkalyq menshikke óteýsiz berý ýádesin qamtıtyn syıǵa tartý shartyn jasasýǵa Qazaqstan Respýblıkasy Úkimetiniń kelisimi qajet. Menshik ıesiniń múlik quqyǵyn bolashaqta kommýnaldyq menshikke óteýsiz berý ýádesin qamtıtyn syıǵa tartý shartyn jasasý týraly sheshimdi jergilikti atqarýshy organdar qabyldaıdy. 20. Menshik ıesiniń múlik quqyǵyn bolashaqta memlekettik menshikke óteýsiz berý ýádesin qamtıtyn syıǵa tartý sharty osy Qaǵıdanyń 10-tarmaǵyna sáıkes jasalady. Menshik ıesiniń múlik quqyǵyn bolashaqta memlekettik menshikke óteýsiz berý ýádesin qamtıtyn syıǵa tartý shartynda memlekettik múlik jónindegi ýákiletti organnyń ne onyń aýmaqtyq bólimshesiniń nemese jergilikti atqarýshy organnyń syılyq memleketke berilgenge deıin kez kelgen ýaqytta odan bas tartý quqyǵy kórsetiledi. 21. Menshik ıesiniń múlik quqyǵyn bolashaqta memlekettik menshikke óteýsiz berý ýádesin qamtıtyn syıǵa tartý shartynda belgilengen múlik quqyǵyn menshik ıesi memleketke is júzinde bergen kúnge deıin keminde kúntizbelik 30 kún buryn memlekettik menshik jónindegi ýákiletti organ nemese jergilikti atqarýshy organdar múliktiń menshik ıesinen múliktiń quny týraly jáne úshinshi tulǵalardyń múlikke quqyǵyn joq ekendigi týraly málimetterdi suratady. 22. Memleket múlik jónindegi ýákiletti organ nemese jergilikti atqarýshy organdar múliktiń quny týraly jáne úshinshi tulǵalardyń múlikke quqyǵynyń joq ekendigi týraly málimetterdi alǵan kúnnen bastap kúntizbelik jeti kún ishinde memlekettiń osy múlik quqyǵyna ıe bolý qajettigi týraly buryn usynylǵan qorytyndyny rastaýdy usyný úshin múlik týraly qujattardy memlekettik organdarǵa joldaıdy. 23. Qujattardy alǵan kúnnen bastap kúntizbelik 10 kún ishinde memlekettik organ memlekettiń múlik quqyǵyna ıe bolý qajettigi týraly buryn usynylǵan qorytyndyny rastaýdy memlekettik múlik jónindegi ýákiletti organǵa nemese jergilikti atqarýshy organdarǵa joldaıdy 24. Memlekettik organ múlikti memlekettik menshikke qabyldaý qajettigi týraly buryn usynylǵan qorytyndyny rastaýdy usynǵan kezde rastaýdy alǵan sátten bastap on bes jumys kúni ishinde múlikti qabyldaý – berý aktisi (berý aktisi) resimdeledi. Eger memlekettik organ múlikti memlekettik menshikke qabyldaý qajettigi týraly buryn usynylǵan qorytyndyny rastamaǵan jaǵdaıda, memlekettik múlik jónindegi ýákiletti organ ne onyń aýmaqtyq bólimshesi nemese jergilikti atqarýshy organ syıdan bas tartady jáne bas tartýdy jazbasha nysanda resimdeıdi. Eger syıǵa tartý sharty tirkelgen bolsa, syıdan bas tartý da memlekettik tirkelýge jatady.