Búgin Premer-Mınıstr Baqytjan Saǵyntaev úzdik kásiporyndardy QR Prezıdentiniń «Altyn sapa» syılyǵymen marapattady, dep habarlaıdy egemen.kz.
«Altyn sapa» syılyǵynyń «О́ndiristik maqsattaǵy úzdik kásiporny» atalymy boıynsha iri kásipkerlik sýbektileri arasynda Atyraý oblysynyń «RaýanNalko» JShS, orta kásipkerlik sýbektileri arasynda Mańǵystaý oblysynyń «Kaskor-Mashzavod» AQ, shaǵyn kásipkerlik sýbektileri arasynda Soltústik Qazaqstan oblysynyń «AVAGRO» JShS laýreat atandy.
«Halyqqa arnalǵan taýarlar shyǵaratyn úzdik kásiporyn» atalymynda iri kásipkerlik sýbektileri arasynda Almatynyń «Almaty ónimderi» JShS, orta kásipkerlik sýbektileri arasynda Almaty oblysynyń «Jarkent krahmal zaýyty» JShS, shaǵyn kásipkerlik sýbektileri arasynda Ońtústik Qazaqstan oblysynyń «Planta» JShS jeńimpaz boldy.
«Qyzmet kórsetetin úzdik kásiporyn» atalymynda iri kásipkerlik sýbektileri ishinen Astananyń «Medıker – óndiristik medısına» JShS, orta kásipkerlik sýbektileri arasynda Qaraǵandy oblysynyń «Defektoskopııa» JKS, shaǵyn kásipkerlik sýbektileri arasynda Astananyń «Skýlbas» JShS úzdikter qatarynan kórindi.