Búgin Parlament Májilisiniń spıkeri Nurlan Nyǵmatýlınniń tóraǵalyǵymen ótken jalpy otyrysta depýtattar Qazaqstan-Túrikmen memlekettik shekarasyn shegendeýge qatysty kelisimdi ratıfıkasııalaý týraly zań jobasyn maquldady, dep habarlaıdy Májilistiń baspasóz qyzmetinen.
Májilis tóraǵasy Qazaqstannyń irgeles eldermen memlekettik shekarasyn halyqaralyq-quqyqtyq rásimdeýi táýelsizdiktiń tarıhı jetistikteriniń biri sanalatyndyǵyn atap ótti.
«Biz barlyq kórshilerimizben kelisimder jasadyq, onda birlesken shekara syzyqtarynyń qalaı ótetini naqty belgilengen. Endi shekaralardy shegendeý jumystary júrgizilýde», dedi N.Nyǵmatýlın.
Osyǵan sáıkes dál qazir Qyrǵyzstan, О́zbekstan elderi boıynsha da qujattardy qol qoıýǵa daıyndaý jumystary júrip jatyr, QHR-men bul úrdis aıaqtaldy. Sondaı-aq, Qazaqstan-Reseı shekarasyn shegendeý jumysy jalǵasýda.
«Endigi kezekte Qazaqstannyń barlyq memlekettik shekaralaryn halyqaralyq-quqyqtyq rásimdeý prosesin barynsha jedel bitirý qajet. Ol aldaǵy ýaqytta kez-kelgen aýmaqtyq daýlardyń aldyn alýǵa múmkindik beredi», dedi Májilis spıkeri.