Elbasy «Astana» halyqaralyq qarjy ortalyǵy sotynyń tóraǵasynyń ant qabyldaý rásimine qatysty. Bul týraly akorda.kz habarlady.
Memleket basshysy Qazaqstan Prezıdentiniń tıisti ókimimen «Astana» halyqaralyq qarjy ortalyǵy sotynyń tóraǵasy bolyp taǵaıyndalǵan lord Garrı Kennet Výlftiń ant qabyldaý rásimine qatysty.
Rásim sońynda Nursultan Nazarbaev «Astana» halyqaralyq qarjy ortalyǵy sotynyń tóraǵasy men sýdıalaryna halyqaralyq qarjy ortalyǵynyń qyzmetine álemdik qoǵamdastyqtyń senimin arttyrýdyń mańyzdy ekenin aıtty.
«Astana» halyqaralyq qarjy ortalyǵynyń táýelsiz soty 2018 jylǵy qańtardan bastap jumys isteıdi.
***
Lord Garrı Kennet Výlf qarjy quqyǵy salasyndaǵy halyqaralyq tóreshi ári medıatr bolyp tabylady. Ol Anglııanyń, Ýelstiń, Katar men Gonkongtyń sot júıelerinde jumys istep, kásibı mol tájirıbe jınaqtaǵan.