Ońtústik Qazaqstan oblysynda 800 basqa arnalǵan «Qazyna jer Ltd» JShS iri taýarly sút fermasy tolyq jobalyq qýatqa shyqty dep habarlaıdy Egemen.kz tilshisi.
«QazAgro» ulttyq holdınginiń jelisi boıynsha Ulttyq qordyń esebinen qarjylandyrylǵan ınvestısııalyq joba Kanada, Ýkraına jáne Qazaqstannan asyl tuqymdy saýyndy mal basyn satyp alý arqyly eki kezeńmen iske asyrylǵan. Búgingi kúni fermada bir mal basynyń ortasha táýliktik saýyndy súti jıyrma toǵyz lıtr bolady. Sonymen birge joba jemshóp óndirisin damytý sheńberinde qarjylandyrylǵan.
«QazAgro» holdınginiń ınvestısııalyq qorjyny qazirgi ýaqytta jalpy quny 351,0 mlrd. teńgeniń 545 ınvestısııalyq jobasyn quraıdy. Onyń jalpy quny 311 mlrd. teńgeniń 511 ınvestısııalyq jobasy paıdalanýǵa berildi.
Baqtııar TAIJAN,
«Egemen Qazaqstan».
Ońtústik Qazaqstan oblysy