«Báıterek» ulttyq basqarý holdınginiń jańa tóraǵasy bolyp Aıdar Áriphanov taǵaıyndaldy, dep habarlaıdy holdıngtiń baspasóz qyzmeti.
Aıdar Áriphanovtyń memlekettik basqarý jáne ekonomıkalyq saıasat salasynda 20 jyldan astam eńbek tájirıbesi bar.
Aıdar Áriphanov Qazaq memlekettik basqarý akademııasyn bitirgen, QR SIM Dıplomatııalyq akademııasyn úzdik aıaqtady. «Bolashaq» prezıdenttik baǵdarlamasynyń aıasynda Kolýmbııa ýnıversıtetin bitirip, 2008 jyly ekonomıkalyq saıasatty basqarý baǵdarlamasy boıynsha memlekettik ákimshilendirý magıstri dárejesin aldy.
Ár jyldary ol QR Qarjy vıse-mınıstri, QR Premer-Mınıstri Keńsesi basshysynyń orynbasary, QR Eńbek jáne áleýmettik qorǵaý vıse-mınıstri, QR Premer-Mınıstriniń keńesshisi, QR Aqparattandyrý jáne baılanys agenttigi tóraǵasynyń orynbasary, «Qazaqtelekom» AQ basqarýshy dırektory boldy.
2011 jylǵy mamyrdan bastap «Qazatomónerkásip» UAK» AQ basqarmasy tóraǵasynyń ekonomıka jáne qarjy jónindegi orynbasary laýazymyn atqardy.