Astanalyq qutqarýshylar «Peshpen jylytýdyń qaýiptiligi – ýly gazben ýlaný» respýblıkalyq aksııasy aıasynda «Jeleznodorojnyı» turǵyn alabyndaǵy jeke sektor turǵyndaryna pesh quraldary men tútindikterdi tazalaý qajettigin túsindirdi, dep habarlaıdy elorda ákimdiginiń medıa ortalyǵy.
Aksııa kezinde 14 úıde tútindikter tazartylyp, azamattarǵa pesh qurylǵylaryn paıdalaný kezindegi qaýipsizdik sharalary túsindirildi,tolyq usynystary bar jadynamalar taratyldy.
Qutqarýshylar órttiń aldyn alý jáne órt kezinde adamdardyń qaza bolýy men jaraqat alýyn boldyrmaý maqsatynda jeke turǵyn sektoryndaǵy turǵyndarmen kezdesedi.
Kún saıyn aýla aralaý kezinde azamattarǵa ýly gazdan qaza tabýy men ýlanýynyń barlyq oqıǵalary aıtylyp, aýdanda bolǵan órtterdiń statıstıkasy oqylady, qyzmetkerler aqaýy bar pesh qurylǵylarynda jasyrynǵan qaýiptiń mánin túsindirýge tyrysady.
«Tótenshe jaǵdaılar basqarmasy jeke turǵyn úılerdiń ıelerine pesh qurylǵylaryn tazalaý men jóndeý jumystaryn ýaqytyly ótkizý qajettigin eskertedi», - delingen Almaty aýdandyq TJB taratqan habarlamada.