Statıstıka departamentiniń esebi boıynsha oblystan tysqary jerlerge kóshý legi tolastar emes.
Búginde óńirde 559,6 myń adam tursa, 44,8 paıyzy qalalyqtar, 55,2 paıyzy aýyldyqtar bolyp esepteledi. О́tken jyldyń sáıkes merzimimen salystyrǵanda turǵyndar sany 6,5 myń adamǵa nemese 1,2 paıyzǵa kemigen.
Tabıǵı ósim jaıy da alańdatady. О́tken jylǵa qaraǵanda 328 adamǵa bolmasa 39,6 paıyzǵa azaıǵan. Bir adamǵa shaqqanda tabıǵı ósim 1,19 adamdy quraǵan. Qańtar-qyrkúıek aılary aralyǵynda 5576 sábı dúnıege kelgen. Bul kórsetkish ótken jylǵa qaraǵanda 6,6 paıyzǵa kem. Týýdyń jalpy koeffısıenti bir myń adamǵa shaqqanda 13,29 sábıden keledi.
Osy kezeńde 5075 adam qaıtys bolǵan. 45 náreste shetinegen. Tirkelgen nekelerdiń ósýi men ajyrasýlardyń tómendeýi boıynsha oń úrdis baıqalady. Toǵyz aı ishinde 2969 neke tirkelip, 1478 neke buzylǵan.
О́mir ESQALI, «Egemen Qazaqstan»
Soltústik Qazaqstan oblysy