«Nur Otan» partııasynyń hatshysy jumys saparymen Qyzylorda oblysyna keldi

Syr óńirine sapary barysynda Ǵabıdolla Rahmetollauly qala­nyń sol jaǵalaýynda salynyp jatqan qurylys nysan­dary­nyń jumysymen tanysyp, oń baǵasyn berdi. Budan soń ob­lys­tyq Mekemeler úıinde Elba­sy, «Nur Otan» partııasynyń Tór­aǵasy Nursultan Nazarbaevtyń tapsyrmalarynyń oryndalý barysy jóninde jáne memlekettik baǵdarlamalardyń iske asyrylýy baǵytynda jıyn ótkizdi. Májiliske oblys ákimi Qyrymbek Kósherbaev, Prezıdent Ákimshiliginiń mem­lekettik ınspektory Nurlan Ti­lesheev, máslıhat depýtattary, aýdan, qala ákimderi, oblystyq departamentter men basqarma basshylary jáne partııa aktıvi qatysty.

Jıyndy «Nur Otan» par­tııa­synyń Qyzylorda oblystyq fı­lıalynyń tóraǵasy, aımaq bas­shysy Qyrymbek Kósherbaev júr­gizip otyrdy. Fılıal tór­aǵasy partııanyń saılaýaldy tu­ǵyr­namasynda kózdelgen mindetter men mejelerdi, memlekettik baǵdar­lamalardyń oryndalýyna «Nur Otan» tarapynan qadaǵalaý jaıynda sóz qozǵady. Osyǵan sáıkes, óńirdegi atqarylǵan jumystardyń jón-jobasymen tanystyrý úshin birqatar basqarma basshylary men aýdandar ákimderine sóz berildi.

Oblysta bilim berý salasyn qar­jylandyrý jyl saıyn artyp keledi. «О́tken oqý jylynda 13 mektep­tiń qurylysy júr­gizi­lip, paıda­lanýǵa berildi. Al bıyl Aral, Qazaly, Qarmaq­shy aý­dan­dar­­yn­­daǵy 11 apattyq jaǵdaı­da­ǵy mek­­teptiń qurylysy oblys­tyq bıýd­­jetten, Jańaqorǵanda 300 oryn­­dyq 2 mektep «Nurly jol» baǵ­­dar­lamasy boıynsha qaıta salyn­dy», – dedi oblystyq Bilim basqar­mas­ynyń basshysy Baqytjan Saı­lybaev.  Oblystyq densaýlyq saqtaý bas­qarmasynyń basshysy Aqma­ral Álnazarova aımaqtaǵy «Den­saý­lyq» baǵdarlamasy boıyn­sha atqarylǵan jumystarǵa toqtalyp, onyń nátıjelerimen tanystyryp, medısına salasyndaǵy kadr jetispeýshiligi jaıynda sóz qozǵady.

Sondaı-aq Aqma­ral Shárip­baıqyzy birqatar prob­le­malar­ǵa da toqtaldy. «Medısına sala­syndaǵy memlekettik qyzmet­shilerge, sonyń ishinde dárigerlerge medısınalyq tájirıbege tyıym salynǵan. Bul óz kezeginde dárigerlerdiń biliktiligine, ýaqyt óte kele kásibı daǵdylaryn jo­ǵaltýyna alyp keledi», – dedi ol. Májiliste Memlekettik qyzmet ister agenttiginiń Qyzylorda oblysy boıynsha departament basshysy, Ádep jónindegi keńestiń tóraǵasy Abzal Muhımov, Qar­maqshy aýdanynyń ákimi Sultan Ma­qashov ta baıandama jasady. Jıyn sońynda partııa hatshy­sy Ǵabıdolla Ábdirahymov Qyzyl­orda oblysyndaǵy oń ózgeristerge toq­talyp, aldaǵy ýaqytta da qar­qyndy jumys isteı berýge tilek­testigin bildirdi.

Erjan BAITILES, «Egemen Qazaqstan»

QYZYLORDA