Shırek ǵasyrlyq tarıhy bar Qazaqstan polısııasy el tynyshtyǵyn kúzetip, qoǵamdyq tártiptiń saqtalýyna úles qosyp keledi.
Sonyń ishinde shahar aınasy sanalatyn temir jol men áýejaıdaǵy tártipke qyraǵylyq tanytý Kóliktegi ishki ister departamentine júktelgen jaýapty mindet. Rýhanı silkinis jasap, jańarýdy talap etetin búgingi ýaqyt tártip saqshylaryna jan-jaqty, ishki dúnıesi tolysqan, bilimdi bolýǵa shaqyrýda.
Bilimdi myńdy jyǵady, bilekti birdi jyǵady degen salmaqty sóz qalǵan babalardan. Elbasy N. Nazarbaevtyń «Bolashaqqa baǵdar: rýhanı jańǵyrý» atty baǵdarlamalyq maqalasynda sananyń ashyqtyǵy qajet ekendigin baǵdarlaǵany barshamyzǵa belgili. О́tkenin bilmegen keleshegin qalaı almaıdy. Sebebi tarıh ol san suraqtyń jaýaby, telegeı tájirıbe.
Táýelsizdik mereke qarsańynda Astana stansııasyndaǵy ishki ister jelilik basqarmasynyń jas polısııa qyzmetkerleri jádigerlermen tanysý úshin QR Ulttyq mýzeıine bardy. Onda «Táýelsiz Qazaqstan», «Astana», «Altyn», «Ejelgi jáne orta ǵasyrlar tarıhy», «Zamanýı óner», «Tarıh», «Etnografııa» zaldarynda bolyp, tarıhı derektermen tanysyp, jeltoqstan qurbandaryna arnalǵan buryshqa taǵzym etip, ótkendi oımen sholdy.
«Mýzeı - ótkenniń ónegeli kórinisi. Alpaýyt aqparat ordasy. Jas saqshylardy patrıottyq tárbıeleýde mýzeıdiń alar orny erekshe. Sanasy oıaý, saýatty polısııa mamany bolý úshin tarıh, ádebıet, taǵy basqa rýhanı qaınarlar qatty qajet. Onyń ústine bıyl Qazaqstan polısııasy qurylǵanyna 25 jyl. Táýelsizdigimizge shırek ǵasyrdan astam ýaqyt tolyp otyr. El óńirindegi mańyzdy qadam - memleketimizdiń elordasyn Aqmolaǵa aýystyrǵanyna da 20 jyl bolypty. Sol sebepten, biz tálimgerlik paryzymyzdy oryndaı kele, tarıhy tereńde jatqan baı muramyzdy jas mamandar kózben kórip, olardyń patrıottyq sezimderin oıatý maqsatynda Ulttyq mýzeıge kelip turmyz» – dedi astanalyq ishki ister jelilik basqarma bastyǵynyń kadr jumysy jónindegi orynbasary polısııa podpolkovnıgi Dastan Ádilhanov.
Baıjan Emberdi
Astana stansııasyndaǵy ishki ister jelilik basqarmasy
Memlekettik til jáne aqparat tobynyń jetekshi mamany