Ashyq sabaq: Úrjardaǵy robot-tehnıka synyby

– Elbasymyz N.Nazarbaevtyń «Bo­lashaqqa baǵdar: rýhanı jańǵyrý» ma­qalasyndaǵy min­detterdi oryndaý maq­satynda «Meniń mektebim» jobasy aıasyn­daǵy robot-tehnıka pánine kerekti qural-jabdyqtardy D.Serikbaev atyndaǵy Shy­ǵys Qazaqstan memlekettik tehnı­ka­lyq­ ýnıver­sıtetiniń ustaz­dary syılady. Biz­ osy oqý ornynyń rektory­ Jas­ulan Shaı­mardanovqa, qam­qorlyq qolyn soz­ǵan prorektor Sáýle Rah­metýllınaǵa alǵys aıtamyz. Bul aýdanda tuń­ǵysh­ ornatylǵan ǵylymı joba bol­­­ǵandyqtan jaýapkershilik mol. Búgingi tańda adam kúshin únemdep, arnaıy baǵdarlamalyq júıe arqyly jumys jasaıtyn robot­tar elimizdiń mektep­terinde qoldanyla bastady. Mek­tep oqýshylary arasynda ǵy­lymı jobalarǵa qatysyp, ha­lyqaralyq, respýblıkalyq baı­qaýlarda júlde alyp júrgen ta­lap­ty jastar barshylyq. Bıyl «Úzdik shyǵarmashylyq top» baı­qaýynda bas júldeni, «Úzdik pedagog» baıqaýynda qazaq tili men ádebıeti pániniń muǵalimi J.Dúberbaeva bas júldeni jeńip alsa, aýdandyq «Jyl synyp jetekshisi» baıqaýynda bastaýysh synyp muǵalimi G.Baımýrzına úzdik dep tanyldy. Son­daı-aq TMD elderiniń komandalary qa­tys­qan saıysta bizdiń oqýshylar ekinshi oryndy ıelendi. Qytaıdyń Beıjiń qala­synda ótken óner saıysynda Nurbek Na­zerke bas júldeni alyp, abyroıymyz­dy asqaqtatty, – dedi robot-tehnıka synybyna jetekshilik jasap júrgen, mektep dırektorynyń ádistemelik-ınnova­sııalyq ister jónindegi orynbasary, bilim berý salasynyń úzdigi Baqyt Ka­meshova.

Osy oraıda shákirtterdiń shy­ǵar­­ma­shy­lyq izdeniste tabysqa je­týine zor úles qosyp kele jat­­qan bir top ustaz­dardyń esi­min atap ótken oryndy bolar. Mek­­tep dırektory Qabdysadyq Baı­sınov uzaq jyldar aýdan ákiminiń orynbasary, eki márte aýdandyq máslıhattyń hatshysy qyzmetin abyroımen atqardy. Qazir de ustazdardy ortaq tabysqa iskerlikpen jumyldyrýda. Mek­tep dırekto­rynyń orynbasarlary Baqyt Kameshova men Erkin Qadyrov «Bilim berý salasynyń úzdigi» ataǵyna ıe boldy.  Úrjar aýdanynyń ákimi Serik Zaı­nýldınniń aıtýynsha, aldaǵy ýaqytta da bilim oshaqtary zamanaýı robot-tehnıkamen qamtama­syz etilmek.

Ońdasyn ELÝBAI, jýrnalıst

Shyǵys Qazaqstan oblysy, Úrjar aýdany

Sýrette: ­robot-tehnıka sy­ny­­­­­­­byn­­­da

Sýretti túsirgen avtor

Úırengenimiz de, úırenerimiz de kóp

Elimizde bilim berýdiń mazmuny jańaryp, oǵan jańasha kózqaras qalyptasa bastady. Ustazǵa qoıylatyn talap ta jyl ótken saıyn arta túsip, oqytýdyń ádis-tásilderin, ony tıimdi qoldana bilý, úıretý mindeti júktelýde.

HHI ǵasyr – bilim men oqý­dyń ǵasyry. Sondyqtan da mu­ǵa­limder qaýymynan, onyń ishin­­de til mamandarynan jańa ped­a­gogıkalyq ádis-tásilderdi qol­daný arqyly sapaly bilim berip, til mártebesin kóterý talap etiledi. Osyǵan oraı búgingi kún ta­labyna sáıkes barlyq pán mu­ǵa­limderine orta bilim berý maz­munyn jańartý mazmuny boıyn­­sha biliktilikti arttyrý kýrsy júrgizilýde. 

Jańartylǵan baǵdarlamanyń basty maqsaty – qazaq tili páni boıynsha bilim berý baǵdar­lamasyn jańartý jáne krıte­rııli baǵalaý júıesin engizý turǵysynan muǵalimderdiń she­ber­ligin shyńdaý. Oqýshynyń óz betimen bilimge ıe bolýy maq­satynda onyń belsendi is-áreketin uıymdastyrýda mu­ǵalimder jańartylǵan bilim berý baǵdarlamasynyń mazmunyn, qurylymyn bilýmen qatar, oqý­ materıaldaryn qoldanýdy meń­gerýde. Krıterııli baǵalaý jú­ıe­sin engizý jáne oqytýdyń ádis-tásilderin qoldaný arqyly bi­lim alýshylardyń toppen, je­ke jáne juptasyp jumys ja­­saýy tıimdi ekenine sabaq ba­­rysynda kóz jetkizdik. Ja­ńar­­tylǵan bilim berý baǵ­­dar­­­­­­lamasynyń ereksheligi – spıraldy qaǵıdatpen berilýi. Baǵdarlama oqýshynyń tórt tildik daǵdysyn, ıaǵnı tyńdalym, aıtylym, oqylym, jazylymdy jetildirýge arnalǵan. Bul tórt daǵdy bir-birimen tyǵyz baılanysty, synyp ósken saıyn tildik maqsat ta kúrdelene túsetini sóz­siz. Qoryta aıtqanda, oqýshy ózi­niń mektep qabyrǵasynda alǵan bilimin ómirde qajetine asyra alýy kerek. Úırengenimiz de, úı­renerimiz de kóp.

Jańasha izdenis, jańa kóz­qaras jalǵasyn taýyp, el er­teńi – keleshek urpaqtyń bilim alýdaǵy jetistikke jetý jolyn­da nátıjeli eńbek ete bere­tinimizge senimdimin.

Almagúl Nurmuhanbetova 

Qostanaı oblysy, Amangeldi aýdany