Memlekettik baǵdarlamalardyń júzege asyrlýyn pysyqtaý maqsatynda Tóle bı aýdanyna jasaǵan jumys sapary barysynda oblys ákimi J.Túımebaev bastaǵan birqatar oblystyq máslıhattyń depýtattary aýdanda atqarylǵan ıgi isterdiń kýási boldy.
Jumysshy top eń aldymen Kıelitas aýyldyq okrýgindegi qurylysy júrip jatqan ónerkásiptiń biri – «Lenger qus» aýyl sharýashylyq óndiristik kooperatıviniń jaǵdaıyn kórdi. Jıyrma músheniń basyn qosatyn aýylsharýashylyǵy kooperatıvine birikken qus fermasynyń qurylysy aıaqtalýǵa jaqyn. Kooperatıv músheleriniń aıtýynsha, ótkizgen ettiń ár kelisine 80 teńgeden, al jemge 20 teńgeden sýbsıdııa alatyn bolady. Joba tolyqtaı iske qosylǵanda jylyna 200 tonnaǵa jýyq qus etin óndiremiz dep otyrǵan sharýalar taýarlaryn «Shymkent qus» kásipornyna ótkizetin bolady. Jylyna 6 aınalymda jumys isteıtin qus fermasy qustardy 35-40 kún baǵamyz deıdi. Sonymen qatar, olar kooperatıvke birigýiniń arqasynda satyp alynǵan qural-jabdyqtarǵa ketken shyǵynnyń 50 paıyzy memleket tarapynan sýbsıdııalanyp otyrǵanyn aıtty.
Sapar barysynda aımaq basshysy Leńger qalasynda ornalasqan «Iаngýan» JShS-niń jıhaz jasaıtyn sehyn aralap kórdi. О́tken jyly jumysyn bastaǵan kásiporynǵa tartylǵan ınvestısııa kólemi 100 mln teńgeni quraıdy. Bir aıda 500 danadan astam jıhaz óndiretin kásiporyn ótken jyly alty myńnan astam oryndyq, al osy jyldyń on aıynda alty myń bes júzge jýyq oryndyq jasap shyǵarǵan. Kásiporynda jalpy sany 50 adam jumys jasaıdy. Oryndyqtardy jasaýǵa qajetti aǵash Petropavl, Pavlodar qalalarynan tasymaldanady eken.
Budan bólek, óńir basshysy Aqqum aýyldyq okrýgindegi «Tumar» aýyl sharýashylyq óndiristik kooperatıvinde bolyp, jumysymen tanysty. О́ndiristik kooperatıv AIO «Ońtústik» 53 mln teńge, al «Qaz Agro» qarjylaı ortalyǵy arqyly 53 mln. teńge kóleminde nesıe alǵan. Jylyna 75 myń tonnaǵa jýyq et óndirip eksportqa shyǵarýdy josparlap otyrǵan mal soıý sehynda kúnine 100 bas iri qara soıýǵa múmkindik bar. Munda 25 adam jumyspen qamtylyp otyr. Búginde etti shetel naryǵyna shyǵarý úshin birqatar eldermen kelisimder júrgizilýde eken.
Tabıǵaty týrızm salasyn damytýǵa ábden laıyq aımaqta oblys ákimi «Ǵaıyp Eren Qyryq Shilten» kıeli ornyna baryp, qaıyrymdylyq qorynyń jumysymen tanysty. 1993 jyly qurylǵan «Ǵaıyp Eren Qyryq Shilten» qaırymdylyq qorynyń tóraǵasy Muhtar Naqypbekov kıeli orynǵa jylyna eki jarym myńǵa jýyq adam kelip ketetinin atap ótti. Sonymen qatar, ol aýmaǵy eki gektar jerdi alyp jatqan orynda kelýshilerge yńǵaıly jaǵdaı jasaý úshin 100 oryndyq qonaq úıdiń qurylysy da júrgizilip jatqanyn jetkizdi. Munda týrısterge arnalǵan qazaqtyń salt-dástúri men ádet-ǵurpynan syr shertetin shaǵyn murajaı da bar.
Aýdanǵa jasaǵan jumys saparyn qorytyndylaǵan oblys ákimi atqarylyp jatqan jumystarǵa oń baǵasyn berip, bul ár saladaǵy jańa baǵyt-baǵdar arqyly jumys jasaýdyń arqasynda qol jetkizilgen nátıje ekenin atap ótti. Sonymen qatar, ákim Táýelsizdik alǵan 25 jylda aýdanda kópqabatty úıler salynyp 480 otbasyny baspanamen qamtý múmkin bolǵan emes ekenin aıtty. Búginde Elbasynynyń tapsyrmasynyń negizinde jasalǵan Úkimettiń qoldaýlary aıasynda kóptegen sharýa qojalyqtar men óndiris oryndar óz kásipterin damytty. Memleketten beriletin sýbsıdııanyń arqasynda mal soıý beketine ótkiziletin iri qara bastyń baǵasy bazardaǵy naryqtan joǵary bolyp otyrǵanyn jetkizdi. Osylaısha, táýelsiz elimizdiń turǵyndarynyń ál aýqaty men turmys deńgeıi kóterilip keletinin aıtqan J.Túımebaev osy baǵyttaǵy jumystardy jalǵastyrýdy aýdan ákimine mindettedi.