Mańǵystaý oblysynyń ákimi Eraly Toǵjanov Nıderlandy Koroldiginiń Qazaqstan, Qyrǵyzstan men Tájikstandaǵy tótenshe jáne ókiletti elshisi Dırk Iаn Kopty qabyldady.
Kezdesý maqsaty - Mańǵystaý oblysy men Nıderlandy Koroldigi arasyndaǵy iskerlik baılanystardy nyǵaıtý. Jıynda eki el arasyndaǵy saýda-ekonomıkalyq qarym-qatynas, ınvestısııalyq ahýal sóz bolyp, elshi eksportqa beıimdelgen Nıderlandynyń kásipkerleri Qazaqstanda bıznesin órkendetýge yntaly ekendikterin jetkizdi.
Qos memleket arasynda saýda aınalymy turaqty. Aǵymdaǵy jyldyń qańtar-qazan aılarynda Mańǵystaý men Nıderlandy arasyndaǵy saýda aınalymy 141 mln. AQSh dollaryn quraǵan. Onyń ishinde 130,7 mln. AQSh dollary eksportqa, 10,2 mln. AQSh dollary ımportqa tıesili.
Eksportqa munaı ónimderi, áskerı kemeler men ıadrolyq reaktorlar jáne aýyr tehnıkalar tasymaldanǵan. Al, ımportqa býksırler men súıregish kemeler, metall ónimderi jáne boıaýlar jetkizilgen. Búginde Mańǵystaý oblysyndaǵy 44 mekemede Nıderlandııalyq kompanııalardyń úlesi bar. Jıyn sońynda eki eldiń arasynda júzege asyrylatyn jobalar talqylandy.
Gúlaıym ShYNTEMIRQYZY,
«Egemen Qazaqstan»
Mańǵystaý oblysy