«Damý» kásipkerlikti damytý qory» AQ men Azııa Damý Banki Qazaqstan Respýblıkasy Úkimetiniń memlekettik kepildigimen 72 mlrd teńge somasyndaǵy qaryz týraly kelisimge qol qoıdy.
«Búgingi kúni Qor «SentrKredıtBanki» jáne «Nurbankpen» nesıe kelisimine qol qoıdy. Aldaǵy ýaqytta «Kassa Nova banki» men «Forte Bank» jáne «KMF» mıkroqarjy uıymymen jalpy somasy 48 mlrd teńgege kelisimge qol qoıylady. Bankter bul qarajatty ekonomıkanyń barlyq salalaryndaǵy mıkro, shaǵyn jáne orta kásipkerlik sýbektilerine aınalym qarajatyn toltyrý, negizgi quraldardy jańartýǵa jumsaıdy. Sondaı-aq basqa bankten alǵan nesıelerdi qaıta qarjylandyrýǵa da bolady. Bir boryshkerdiń qolyna 1 mlrd 80 mln teńgege deıin, naryqtyq nomınaldy syıaqy mólsherlemesimen, jylyna 15% paıyzdan aspaıtyn etip, 36 aıǵa deıin beriledi»,-dedi «Damý» kásipkerlikti damytý qory» AQ Basqarma tóraǵasynyń orynbasary Daýlet Ábilqaıyrov.
Sonymen qatar ol, «Damý» Qory 2011 jyly Azııa damý bankinen 500 mln AQSh dollary kólemindegi (107,2 mln teńge) zaemdy úsh transh arqyly 2011, 2014, 2015 jyldary memlekettiń kepildigimen alǵanyn tilge tıek etti.
«Qaryz salalyq shekteýsiz berildi. Úsh transhty da ıgerý nátıjesinde 210,9 mlrd teńgeniń 2 myń jobasyna qoldaý kórsetildi. 2016 jyl sońynda 4 844 jumys orny paıda boldy. Munymen qatar, «Damý» Qory otandyq kásipkerlerdi qoldaý aıasyn keńeıtý úshin Eýropa qaıta qurý jáne damý banki, Eýropa ınvestısııa banki jáne «Al Hilal Islam banki» AQ sekildi halyqaralyq qarjy uıymdarymen tyǵyz jumys isteıdi»,-dedi spıker.
Raýan Qaıdar,
«Egemen Qazaqstan»