Táýelsizdiń jyldarynda Shyǵys Qazaqstannyń densaýlyq saqtaý salasynda jetken jetistikteri az emes. Sonyń ishinde ana men bala ólimi azaıyp, aýrýhanalar zamanaýı tehnıkalarmen jabdyqtalýda.
Atap aıtsaq, О́skemen qalalyq №1 aýrýhana bazasynda eldegi alǵashqy robottandyrylǵan hırýrgııa ortalyǵynyń ashylýy josparlanǵan. Sımýlıasııalyq jabdyqtar ornatylǵan ortalyqta transplantalogııalyq jáne angıohırýrgııalyq ota jasaýǵa múmkindik týady. Bul jaıynda Aımaqtyq kommýnıkasııalar qyzmetinde ótken baspasóz máslıhaty barysynda oblystyq densaýlyq saqtaý basqarmasynyń basshysy Marat Shoranov aıtty.
«Tek osy jyldyń ózinde oblystyq bıýdjet esebinen medısına salasyna 9,5 mlrd teńge bólinse, onyń 7,3 mlrd teńgesi jabdyqtar alýǵa jumsalady. Qarajatqa Besqaraǵaı, Ulan, Glýbokoe, Borodýlıha aýdandarynyń ortalyq aýrýhanalaryna jáne О́skemendegi ınsýlt ortalyǵyna jańa zamanaýı jabdyqtar alynady», – dedi Marat Shoranov.
Sonymen qatar aımaqta ShQO ákimi Danıal Ahmetovtyń tapsyrmasymen densaýlyq saqtaý salasyn damytý maqsatynda quny 1,2 mlrd. teńgeni quraıtyn úsh kezeńnen turatyn strategııalyq jospar qurylǵan. Atalmysh jospar aıasynda onkologııa, kardıologııa, ana men bala densaýlyǵyn saqtaý syndy baǵyttarǵa ekpin jasalyp, mamandar daıyndalyp jatyr.
«Aldaǵy 3 jyldyqtyń ishinde sheteldik klınıkalarda 150 maman oqytylyp, olar jergilikti dárigerlermen is-tájirıbemen bólisip, biliktilikterin arttyrady. Qazirdiń ózinde shyǵysqazaqstandyq 50 maman Ulybrıtanııadan oqyp keldi», – dedi basqarma basshysy.
Búgingi tańda oblysta ana men bala ólimi 3 ese azaısa, ortasha ómir súrý kórsetkishi ulǵaıyp keledi.
Azamat QASYM,
«Egemen Qazaqstan»
О́SKEMEN