Qaraǵandy ákimi Nurlan Áýbákirov 180 otbasyǵa Táýelsizdik merekesi qarsańynda «Jańa ortalyq» shaǵyn aýdanyndaǵy jańa turǵyn úılerden páter kiltin tabystady.
«Jańa ortalyq» shaǵyn aýdanyndaǵy páterlerdi kópbalaly otbasylar, jetimder, múgedek bala asyrap otyrǵan januıalar, bıýdjettik uıymdardyń qyzmetkerleri, tolyq emes otbasylar aldy. Páterlerdiń quny bir sharshy metri 100 myń teńgeni quraıdy.
«Jańa ortalyq» shaǵyn aýdany Qaraǵandynyń Ońtústik-Shyǵysynda salynyp jatyr. Úsh 14 jáne 16 qabatty úılerde jalpy aýdany 59 532 sharshy metrdi quraıtyn 1128 páter ornalasady. Qurylys jumystary tolyǵymen 2018-shi jyly aıaqtalady dep josparlanýda. Búgingi kúni eki kópqabatty úılerdegi úsh blok-seksııa qoldanysqa berildi, 552 páter tapsyryldy. Turǵyn úı keshenindegi basqa seksııalarda qurylys jumystary kestege saı júrgizilip jatyr.
Mıras Asan,
"Egemen Qazaqstan"
Qaraǵandy