Mańǵystaý oblysynda Elbasynyń «100 naqty qadam» Ult josparynyń júzinshi qadamyn oryndaý barysynda Quqyq qorǵaý qyzmetteri ortalyǵynyń resmı ashylýy saltanatty túrde ótti.
Azamattardyń memlekettik jáne quqyqtyq organdarǵa degen senim deńgeıin arttyrý, atqarýshy jáne quqyq qorǵaý organdary men halyqtyń arasyndaǵy ashyqtyqty qamtamasyz etý maqsatyndaǵy Ortalyq quqyqtyq qyzmetti bir jerge biriktirip, azamattardyń ótinishterin qaraý jumysyn jańa ári sapaly deńgeıge kóterýdi kózdeıdi jáne jalpy aýmaǵy 680 sharshy metr quraıtyn ǵımarat «bir tereze» qaǵıdaty boıynsha arnaıy oryndarmen jáne qajetti materıaldyq-tehnıkalyq quraldarmen qamtamasyz etilgen.
- El Táýelsizdigin alǵan kezeńnen bastap memleketimizde zańdylyqtar men qoǵamdyq tártiptiń jaǵdaıyn, Konstıtýsııa men zańdardy múltiksiz saqtaýdy Elbasy halqymyzdyń aldyna basty maqsat etip qoıdy. Qoǵamnyń birqalypty ómir súrýi, eldegi tártip pen tynyshtyqtyń ornaýy eń áýeli quqyq qorǵaý organdary salasynyń qyzmetine tikeleı baılanysty. Halyqtyń quqyq qorǵaý organdaryna degen senimin arttyryp, Elbasy qoıǵan maqsattarǵa jetý úshin birqatar jumystar atqarylyp keledi. Táýelsizdik kúnine oraı bizdiń oblysymyzda Quqyq qorǵaý qyzmetteri ortalyǵy qurylyp, 12 mekemeniń mamandary turǵyndarǵa aqysyz túrde quqyqtyq qyzmet kórsetetin bolady. Bul qyzmetkerler Siz tarapynan qoıylǵan suraqtar men barlyq máselelerdi zań aıasynda sheshýge jáne kómek kórsetýge árqashanda daıyn», dedi Mańǵystaý oblysynyń ákimiń E.Toǵjanov.
Quqyqtyq máseleler boıynsha turǵyndardy qabyldaýdy tájirıbeli prokýrorlar júrgizedi. Azamattardyń ótinishterin qaraýdy tıimdi uıymdastyrý úshin 8 memlekettik organnyń qyzmetkerleri tartylǵan, onyń ishinde: oblys ákimdigi, jergilikti polısııa qyzmeti, qylmystyq-atqarý júıesi, eńbek basqarmasy, memlekettik kirister departamentiniń jáne t.b., sondaı-aq advokattar, notarıýstar, medıatorlar jáne psıhologtar.
Gúlaıym ShYNTEMIRQYZY, «Egemen Qazaqstan».
Mańǵystaý oblysy