Qazaqstan Respýblıkasy Táýelsizdiginiń 26 jyldyǵyna oraı óńir jastarynyń patrıottyq rýhyn kótere túsý maqsatynda Mańǵystaýda jastar aksııasy ótti.
Aksııada Mańǵystaý oblysynyń belsendi jastary uzyndyǵy 15 metr, eni 7 metr bolatyn memlekettik tý men uzyndyǵy 10 metr, eni 6 metr bolatyn Rýhanı jańǵyrý týyn alyp, Táýelsizdik kóshesi boıynyń «Máńgilik alaý» janynan Aqbota saıabaǵyna deıin sherýlep júrip ótti.
Sherýge óńirlik jastar uıymdarynyń jetekshileri, jastar birlestikteri men odaqtarynyń jetekshileri, jastar resýrstyq ortalyqtarynyń qyzmetkerleri, Mańǵystaý oblysy boıynsha UQK shekara qyzmeti «Jaǵalaý kúzeti» qyzmetiniń áskerıleri qatysty.
Uıymdastyrýshylardyń aıtýynsha, aksııa - jastardyń patrıottyq rýxyn kóterip, olardyń ulttyń qýatyn qalyptastyra alatyn memlekettiń strategııalyq resýrsy ekenin kórsetýdi kózdeıdi.
Shara Mańǵystaý juldyzdarynyń qatysýymen ótken konsertpen aıaqtaldy.
Gúlaıym ShYNTEMIRQYZY, «Egemen Qazaqstan»
Mańǵystaý oblysy