Táýelsizdik kúni oblys ortalyǵynda «City Mall» saýda-oıyn-saýyq kesheni boı kóterdi.
Onyń aýmaǵy 25 myń sharshy metr aýmaqty alyp jatyr. Quramynda kınopark, meıramhana, dámhana, fýd-korn, boýlıng, batýt ortalyǵy bar. Avoturaq 500 kólikke shaqtalǵan. Birinshi, ekinshi qabattarda turmystyq, óndiristk taýarlar dúkenderi, sýpermarket, úshinshi qabatta oıyn-saýyq ortalyǵy ornalasqan.
Oblys ákimi Qumar Aqsaqalov qala jurtshylyǵyn osynaý mańyzdy obektiniń paıdalanýǵa berilýimen quttyqtap, taǵy bir iri saýda ortalyǵy kelesi jyly qoldanysqa beriletinin jetkizdi.
«MDM» saýda kompanııasynyń quryltaıshysy Mehtı Dadashovtyń aıtýynsha 2,7 mıllıard teńge ınvestısııa tartylyp, 600 adam jumysqa ornalasqan. Aldaǵy ýaqytty bir myń adam jumyspen qamtylatyn bolady.
О́mir Esqalı, «Egemen Qazaqstan». Soltústik Qazaqstan oblysy.