16 jeltoqsanda Qytaıdyń Chansha qalasynda Dımash Qudaıbergenniń jeke konserti ótti. Onyń vıdeosyn «DımashAlı» shyǵarmashylyq ortalyǵynyń basshysy Qanat Aıtbaev jarııalady.
«On myń adamdyq zal lyq tolyp, kórermender kóterińki kóńil-kúımen konsertke úlken serpin berdi. Bul keshte qazaq, hanzý, fransýz, aǵylshyn tilderindegi ənder shyrqaldy. Dımashtyń oryndaýyndaǵy shyǵarmalardy Qytaı, Kanada, Amerıka, Reseı, Ýkraınalyq mýzykanttardan quralǵan orkestr súıemeldep, bıshiler bılerimen órnektedi. Kesh shymyldyǵy Qanat Aıtbaevtyń sózine jazylǵan Dımashtyń óziniń «Səlem» ənimen ashylyp, Ulyqpan Joldasovtyń Asqar Dúısenbiniń sózine jazylǵan «Juldyzym» ənimen jalǵasty», - dep jazdy Qanat Aıtbaev Instagram paraqshasynda.
Keshte, sonymen qatar, Aıgúl Bajanovanyń «Mahabbat ber maǵan» əniniń hanzý tilindegi nusqasy, Oral Baıseńgirdiń sózine jazylǵan Dımashtyń «Umytylmas kún» ənderi oryndalyp, tyńdarmandar birge qosylyp shyrqaǵan.
Budan bólek, Beıjiń qalasynan kelgen shyǵarmashylyq top zamanýı sahnalyq bezendirýdiń, rejısserlik ońtaıly sheshimderdiń sheberligin kórsete bilgen.
«Qytaı elindegi qazaq folklorlyq trıosy qytaı halyqtyq trıosymen birlese shyǵarma oryndap konsertke kórik berdi - dostyq əýenderin tógiltti. Dımash ózin roıalmen súıemeldeı otyryp Estaıdyń «Qorlanyn» oryndady. Internasıonaldyq orkestrmen birge Nurǵısanyń «Əlqıssasyn», Qurmanǵazynyń «Adaıyn» dombyramen tartty. Dımashtyń jaqynda jazylǵan «Əlemde soǵys bolmasyn» atty tól týyndysy qytaı tilinde oryndalyp halyqty tebirentti. Kesh boıy kórermenderdiń qoshemeti, yqylasy erekshe boldy», - dep jazdy ánshiniń ákesi.
Konsertte krossover, etno, klassıka, pop baǵytyndaǵy jalpy sany otyz bir shyǵarma oryndalyp, kesh shymyldyǵy Saıat Əbenovtyń sózine jazylǵan Dımashtyń óziniń «Tətti eles» ənimenen jabyldy.