Jońǵar shapqynshylyǵy kezinde el qorǵaımyn dep atqa qonǵan aıtýly erlerdiń biri – Shotan Nazaruly. Qarakereı Qabanbaı, Qanjyǵaly Bógenbeı, О́tegen batyrlarmen birge qııan-keski soǵysqa kirip, batyldyǵymen, uıymdastyrýshylyq qabiletimen jáne tyǵyryqta jol taba biletin aqyldylyǵymen Ábilqaıyr, Abylaı handardyń yqylasyna bólenip, Kishi júzdiń bas sardary saılanǵan ol qazaq aýyldaryn Mańǵystaýǵa bastap kelýimen de erekshelenedi.
«Rýhanı jańǵyrý» baǵdarlamasy aıasynda, el táýelsizdigi merekesine oraı Aqtaýdaǵy «Mańǵystaý-Arena» sport kesheninde 2000-2001 jyly týylǵan jasóspirimder arasynda dzıýdodan Halyq batyry Shotan Nazarulyn eske alýǵa arnalǵan III respýblıkalyq ashyq týrnır ótti. Týrnırge Mańǵystaý, Atyraý, Aqtóbe, Batys Qazaqstan oblystary men Shyǵys Qazaqstan oblysynan jáne Qyzylorda oblysynan 250-ge tarta palýan qatysty.
16-17 jeltoqsan kúnderi ótken, ıaǵnı eki kúnge sozylǵan saıysta toptyq esepte Mańǵystaý oblysy birinshi oryndy ıelense, ekinshi oryndy Shyǵys Qazaqstan oblysynyń, úshinshi oryndy Atyraý oblysynyń palýandary ıelendi. Toptyq saıystaǵy 1-oryn jeńimpazdaryna 200 myń teńge, 2-oryn ıegerlerine 100 myń teńge jáne 3-oryn alǵandarǵa 50 myń teńge qarjylaı syılyqtar tabystaldy. Al, salmaq dárejesi boıynsha jeńimpazdar medaldarmen, alǵys hattarmen marapattaldy.
«Shotan batyr tek bir rýdyń nemese óz urpaqtarynyń maqtanyshy emes, sebebi ol tek óz urpaqtary úshin basyn qaterge baılaǵan joq. Sondyqtan, batyr babamyzdy eske alýǵa arnalǵan respýblıkalyq týrnırdi uıymdastyrýǵa qoldaý kórsetken Mańǵystaý oblysynyń ákimi Eraly Luqpanulyna, Mańǵystaý oblystyq dzıýdo federasııasynyń prezıdenti Samat Bazarbaıulyna, demeýshilik jasaǵan «AktaýBSstroı»,«Chem servise», «QazAzot» jáne «Nur-jol qurylys», «Aq jol qurylys», «Korporasııa Kaspıı Stroı Servıs» seriktestigine, barlyq qatysýshylarǵa alǵysymyz sheksiz. «Bolar eldiń balasy birin-biri batyr der» degendeı, qazaqtyń jigitteri aýyzbirshiligimiz bolyp, judyryqtaı jumylyp, árkez bir-birimizdi qoldap júreıik, degim keledi, deıdi «Halyq batyry Shotan Nazaruly» qoǵamdyq qorynyń basshysy Álibek Dúısenov.
2017 jyly mańǵystaýlyq dzıýdoshylar Álem, Azııa chempıonattarynda jáne el birinshilikterinde júldeli oryndarǵa ıe boldy. Týrnırde Mańǵystaý oblystyq dzıýdo federasııasynyń prezıdenti Samat Musabaev atalmysh sport túri boıynsha 2017 jyldy tabysty qorytyndylap, oblys mereıin ósirgen sportshylar – Qazaqstan chempıonatynyń chempıony Kámshat Qarasaıqyzyna 2 000 000 teńgeniń, Kazaqstan chempıonatynyń kúmis júldegerleri Anna Kazıýlına men Baýyrjan Saǵynǵalıulynyń árqaısysyna 1 000 000 teńgeniń sertıfıkattaryn tabys etti.
Gúlaıym ShYNTEMIRQYZY,
«Egemen Qazaqstan».
Mańǵystaý oblysy