Monopolıst kompanııa basshylyǵy baǵanyń ósýine birneshe dálelderdi alǵa tartyp otyr.
Eń basty sebebi elektr energııasyn tasymaldaý qunynyń artýy kórinedi. Onyń ústine saralanǵan tarıfterdi alyp tastaý shyǵynǵa ábden batyrsa kerek.
«Jyl basynda energııany tasymaldaý men teńdestirý quny artty. Odan basqa zalaldarymyz da az emes.Tyǵyryqtan shyǵýdyń bir ǵana joly bar, ol baǵany ósirý», deıdi «Sevkazenergo» JShS bas dırektorynyń mindetin atqarýshy Maǵaýııa Saǵyndyqov.
Kompanııanyń ótinimi qabyldansa, jaryq quny 9 paıyzǵa óspek. Sonda jeke tulǵalar paıdalanǵan 1 kVt elektr qýaty úshin 14 teńge 56 tıyn tóleıtin bolady. Zańdy tulǵalar úshin de qymbattaıdy.
Qoǵamdyq tyńdaýǵa kelgen jurtshylyq mundaı qadammen keliskisi joq. Oblystyq ardagerler keńesi áleýmettik-turmystyq máseleler jónindegi turaqty komıssııasynyń tóraǵasy Amangeldi Kenjeǵojınovtyń aıtýynsha turmysy tómen otbasylar, jalǵyzbasty adamdar úshin óte tıimsiz. О́ıtkeni, elektr qurylǵylar kóptep paıdalanylady. Bıyl jylý keshtetip berilip, jaryq artyq tutynyldy. Osy jaǵyn eskermeı bolmaıdy.
Elektr qýatynyń baǵasy 2 jyl buryn kóterilgen eken. Alaıda monopolıst kompanııanyń ótinimi qabyldanbaı keri qaıtarylypty.
Qandaı sheshim alynatynyn ýaqyt kórsetedi.
О́mir Esqalı,
«Egemen Qazaqstan».
Soltústik Qazaqstan oblysy