Italııanyń Toblah qalasynda shańǵy jarysynan ótken Álem kýbogi kezeńinde shyǵysqazaqstandyq sportshy 15 shaqyrym qashyqtyqta klassıkalyq ádispen iz kesý jarysynda júldegerler qatarynan kórindi.
Álemniń kil myqty shańǵyshylary bas qosqan básekede barlyǵy 87 sportshy júlde úshin talas júrgizdi. Olardyń qatarynda oblystyq dene shynyqtyrý jáne sport basqarmasynyń «ShQO sporttyń qysqy túrleri boıynsha joǵary sport sheberligi mektebi» KMM-niń tárbıelenýshisi Alekseı Poltoranın de boldy.
Kóshbasshydan 49 sekýnd qalyp kele jatqan shyǵysqazaqstandyq shańǵyshy jarys jolyna 14-inshi bolyp shyqty. Saıysqa deıin Alekseı ýaqyt aıyrmashylyǵymen negizgi qarsylastarynan aıtarlyqtaı qalyp turdy. Alaıda tyńǵylyqty daıyndyǵy men tájirıbesiniń arqasynda máre syzyǵyn 3-inshi bolyp kesip, úzdik ýaqyt kórsete bildi. Shyǵysqazaqstandyq sportshy norvegııalyq, reseılik shańǵyshylardy alǵa jiberip, 33.35.06 ýaqytymen Álem kýbogi kezeńiniń qola júldesin ıelendi.
Azamat QASYM,
«Egemen Qazaqstan»
Shyǵys Qazaqstan oblysy