Qazaqstannyń tól merekesi Táýelsizdik kúni qarsańynda «Eır Astana» 2017 jylǵy 4 mıllıonynshy jolaýshyny tasymaldady. Bul kompanııa tarıhynda tuńǵysh ret bolyp otyrǵan jyldyq rekordtyq kórsetkish bolyp tabylady.
Jalpy aǵymdaǵy jyldyń qorytyndysynda «Eır Astana» 4,2 mln jolaýshy tasymaldap, ótken jylǵy kórsetkishti 12 paıyzǵa asyrmaq. Jolaýshy tasqyny kóbinese 2017 jylǵy maýsym men qyrkúıek aralyǵynda EKSPO-2017 dúnıejúzilik kórmesi ótken kúnderi Astanaǵa kelgen halyqaralyq jolaýshylar esebinen ósti.
Sondaı-aq «Eır Astana» jolaýshylar tasymaly kólemin Astanadan London, Beıjiń, Ystanbul, Sankt-Peterbýrg, Novosıbırsk, Ekaterınbýrg, Omby, Tbılısı, Tashkent, Bishkek, Bangkok jáne Seýl qalalaryna ushý jıiligin ulǵaıtý arqasynda arttyrdy. Maýsymda Astana – Delı tikeleı baǵyty ashylyp, Astana – Kıev baǵyty qaıta jandandy. Qosymsha jıilikter Almatydan Sankt-Peterbýrg jáne Tegeran qalalaryna qosyldy.
«Eır Astana» AQ Korporatıvtik kommýnıkasııalar jónindegi departamenti Sýretti túsirgen Elena SERGIENKO