Taıaýda Qaraǵandy oblysynyń Qoǵamdyq kelisim keńesiniń tóraǵasy Erqara Aımaǵambetovtiń jetekshiligimen Qaraǵandy oblystyq Qazaqstan halqy Assambleıasynyń HH sessııasy ótti. Onyń jumysyna Qazaqstan Respýblıkasyndaǵy Lıtva Respýblıkasy elshiliginiń úshinshi hatshysy Adomas Davalga myrza jáne Lıtva Respýblıkasynan kelgen qurmetti qonaqtar qatysty. Sonymen qatar, is-sharaǵa oblystyq QHA músheleri, etnomádenı birlestik jetekshileri men memlekettik mekemelerdiń basshylary keldi.
Sessııada oblystyq Qazaqstan halqy Assambleıasynyń tarapynan atqarylǵan qyzmetterdiń baǵyttary qaraldy.
Bıylǵy alqaly jıyn eń qasıetti qundylyǵymyz – Táýelsizdiktiń 26 jyldyǵy qarsańynda ótkeniniń ózi shara mańyzyn arttyryp turdy. Aıtýly is-sharany keńes tóraǵasy Erqara Aımaǵambetov ashty.
– Qazaqstan halqy Assambleıasynyń Nursultan Nazarbaev usynǵan qoǵamdyq kelisim men jalpyulttyq birliktiń qazaqstandyq modeliniń ıadrosy retinde róli men mártebesiniń konstıtýsııalyq jáne zańnamalyq deńgeıde artýy ulttyq saıasattyń basty baǵyttary men qundylyqtary boıynsha qoǵamdyq kelisimdi qalyptastyrýǵa múmkindik berdi, – dep atap ótti ol.
Sessııada «Qazaqstan halqy Assambleıasy týraly erejeniń» negizinde etnomádenı birlestikterdiń atynan oblystyq Assambleıa tóraǵasynyń orynbasary bolyp Qazaqstan halqy Assambleıasy Keńesiniń múshesi, oblystyq «Polonııa» etnomádenı birlestiginiń tóraǵasy Vıtalıı Albertovıch Hmelevskıı taǵaıyndaldy.
Jıynda Jezqazǵan bıznes jáne kólik kolledjiniń qoǵammen baılanys ortalyǵynyń dırektory, aqyn Z.Chýmakova, «100 jańa esim» jobasynyń jeńimpazy A.Tosqanbaev, Lıtva Respýblıkasynyń «Shtýrvalas» kólik jáne logıstıka kompanııasynyń dırektory P.Varasımavıchıýs, Sátbaev qalasyndaǵy «Dýslyk» tatar-bashqurt etnomádenı ortalyǵy» qoǵamdyq birlestiginiń tóraıymy R.Abýzıarova, Prezıdenttik «Bolashaq» baǵdarlamasynyń túlegi, Ulybrıtanııadaǵy memlekettik jáne jergilikti basqarý Eksetera ýnıversıtetiniń magıstri A.Daýlenbaev, Qaraǵandy memlekettik medısına ýnıversıtetiniń stýdenti V.Lıtvınov óz pikirlerimen bólisip, oılaryn ortaǵa saldy.
Oblystyq Qazaqstan halqy Assambleıasynyń XX sessııasynyń sońynda saltanatty marapattaý rásimi ótkizildi.
Keńes tóraǵasy Erqara Aımaǵambetov halyqtyń birligine, mádenıetaralyq dıalogty damytýǵa jáne qazaqstandyq patrıotızmdi nyǵaıtýǵa qosqan eleýli úlesi úshin Qazaqstan halqy Assambleıasynyń «Birlik» altyn medalin tabystady. Oǵan «Shemesh» evreı ortalyǵynyń basshysy I.Kojanovskaıa jáne «LITUANICA» qoǵamdyq birlestiginiń tóraǵasy V.Tvarıonas ıe boldy. Sonymen qatar eldegi qoǵamdyq kelisimdi nyǵaıtýǵa, Qazaqstan halqynyń birligin qamtamasyz etýge eleýli úles qosqany úshin Qazaqstan halqy Assambleıasynyń Qurmet gramotasy men Alǵys haty E.Bóketov atyndaǵy Qaraǵandy memlekettik ýnıversıtetiniń fılosofııa jáne mádenıet teorııasy kafedrasynyń professory B.Karıpbaevqa, Jezqazǵan bıznes jáne kólik kolledjiniń dırektory S.Jýmkınaǵa, Qalı Baıjanov atyndaǵy «Mereı» ansambliniń solısi L.Propıshanǵa tabys etildi.
Al oblystyń qoǵamdyq-saıası ómirine belsendi qatysqany úshin jáne jeke eńbek úlesi úshin Qaraǵandy oblysy ákiminiń Qurmet gramotasy «100 jańa esim» ulttyq jobasynyń jeńimpazdaryna, ıaǵnı Qaraǵandy memlekettik medısına ýnıversıtetiniń professory, joǵary sanatty hırýrg N.Abatovqa, Qaraǵandy memlekettik medısına ýnıversıtetiniń professory, medısına ǵylymdarynyń doktory R.Álimhanovaǵa, Qaraǵandy qalasy IIB Jańa-Maıquduq polısııa bóliminiń ýchaskelik ınspektory, polısııa maıory D.Altaevqa, «NOMAD MMA» aralas jekpe-jegi ulttyq stıliniń negizin qalaýshy S.Anǵa jáne jas kásipker A.Tosqanbaevqa tabystaldy.
Sonymen qatar, ol marapat E.Bóketov atyndaǵy Qaraǵandy memlekettik ýnıversıteti Zań fakýltetiniń azamattyq jáne eńbek quqyǵy kafedrasynyń meńgerýshisi M.Jasqaıratqa, «Vaınah» cheshen-ıngýsh etnomádenı birlestigi» qoǵamdyq birlestigi tóraǵasynyń orynbasary A.Zaýrbekovke, «Stroı s namı» jaýapkershiligi shekteýli seriktestiginiń dırektory A.Soıǵa, Qaraǵandy oblystyq Qazaqstan halqy Assambleıasy Analar keńesiniń múshesi K.Tóleýhanovaǵa berildi.
Sessııanyń qorytyndysy boıynsha aımaqtaǵy qoǵamdyq kelisim men jalpyulttyq birlikti nyǵaıtý salasynda naqty tapsyrmalar berildi. Aıta keteıik, jıynǵa Alashoradanyń sońǵy ókili Álimhan Ermekovtiń nemeresi, belgili ǵalym, matematık Oleg Ermekov qatysyp, sessııa delegattaryna bıznes jaıynda óreli áńgime órbitti. Tektiniń tuıaǵy búginde kásipker, «Marıadı Grýpp» kompanııasynyń basshysy bolyp tabylady.