Ońtústik Qazaqstan oblysynda «ONTUSTIK» Kásipkerlerge qyzmet kórsetý ortalyǵy Shymkent qalasy men óńirdegi barlyq 14 aýdanda azamattarǵa qyzmet kórsetip keledi. Ortalyq jalpy ashylǵan sátinen bastap 136 myńnan astam keńestik qyzmet kórsetken. Búgin bul týraly oblystyq óńirlik kommýnıkasııalar qyzmetinde ótken brıfıngte «ONTUSTIK» Kásipkerlerge qyzmet kórsetý ortalyǵynyń dırektory Ǵanı О́mirzaqov málimdedi. Bul týraly OQO ákiminiń baspasóz qyzmeti habarlady.
Aıta keterligi, ortalyq 4 baǵyt boıynsha jumys isteýde. Olar: konsaltıng bólimi, bıznes-jospardy ázirleý jáne jobalardy súıemeldeý, sondaı-aq ruqsat qujattaryn rásimdeý men kásipkerlik mektebi.
2017 jyldyń 11 aıynda qyzmet alýǵa ortalyqqa jalpy 15 myńǵa jýyq ótinish túsken, olardyń 12 myńnan astamy shaǵyn jáne orta bıznes ókilderinen bolsa, qalǵan 2212-i jeke tulǵalardyń ótinishi.
«Konsaltıng baǵytynda memlekettik qoldaý baǵdarlamalary jaıly jáne qarjy ınstıtýttarynyń qarjylandyrý sharttary boıynsha 800-ge jýyq kásipkerdiń qatysýymen semınarlar uıymdastyrylyp otyr. Al bıznes-jospardy ázirleý jáne súıemeldeý aıasynda 1014 joba jalpy somasy 4,7 mlrd. teńgege qarjylandyrylǵan. Sonymen qatar, 1,6 mlrd. teńgeni quraıtyn 39 joba qarjylaı emes memlekettik qoldaýǵa qol jetkizdi», - dedi Ǵanı Áripuly.
Onyń aıtýynsha, jalpy bıznes jospar ázirleýdiń bekitilgen jyldyq ındıkatory 800 bolsa, 11 aıda 1 myńnan astam qyzmet kórsetilgen.
Aǵymdaǵy jyldyń osy ýaqytyna deıin qarjylandyrý sharttaryn túsindirý aıasynda 285 kásipkerdiń qatysýymen 16 kezdesý uıymdastyrylypty. Búgingi tańda kásipkerler men yntaly tulǵalar ortalyqta keńesterdi tegin «bir tereze» qaǵıdasy boıynsha alyp keledi.