Eýropalyq sot Uber kompanııasyn sıfrly qyzmet kórsetýshi emes, kólik kompanııasy bolatyny týraly sheshim qabyldady.
Al Uber ókilderi sot aldynda taksıstik kompanııa emes, jurttyń bir-birimen elektrondy túrde baılanysýyna kómektesetindikten aqparattyq qaýipsizdikti qamtamasyz etý boıynsha qyzmet kórsetý mártebesin qorǵap qalmaq bolǵan.
Sot isiniń júrgizilýine Barselona bılik organdarynyń sheshimi túrtki boldy. Iаǵnı Katalonııa bıligi Uber-ge qalalyq taksı qyzmetine qatysty barlyq erejeni saqtaýdy mindettedi.
О́z kezeginde Uber basshylyǵy sot sheshimi kompanııanyń Eýropadaǵy jumysyna kedergi keltirmeıtinin málimdedi, al sarapshylardyń pikiri boıynsha bul is kompanııanyń bos ýaqytyn únemdeýine keri áserin tıgizedi.
«Bul sheshim kólik zańdaryna sáıkes keletindikten EO elderiniń basym bóligindegi jumysymyzǵa keri áserin tıgizbeıdi. Degenmen, Eýropanyń mıllıondaǵan turǵyny Uber qosymshasyn paıdalana almaı otyr. Jańa basshymyz aıtqandaı Uber sekildi qyzmet túrleriniń jumysyn retteý durys jasalǵan qadam. Sondyqtan biz Eýropadaǵy qalalardyń bılik ókilderimen dıalog ornatýdy jalǵastyramyz. Osy istiń nátıjesinde turǵyndardyń bir ǵana batyrmany basý arqyly senimdi saparǵa shyǵýyn qamtamasyz etýge tyrysamyz», – dedi Uber ókili.
Sot sheshimi boıynsha EO zańyna sáıkes kompanııanyń bilikti júrgizýshileri bolýy qajet.
Brıtandyq tred-ıýnıon kongresiniń bas hatshysy Frensıs O’Greıdıdiń aıtýynsha sot Uber-diń ózgeler sııaqty erejemen júrý kerektigin basty nazarda ustady.
«Olardyń júrgizýshileri taýar emes. Jurt qatarly aılyq alyp, aqysy tólenetin eńbek demalysyn alýǵa quqyǵy bar. Tehnologııalyq ilgerileý júrgizýshilerdiń de eńbek shartyn jaqsartýy tıis», – deıdi Frensıs O’Greıdı.
Al Uber-ge qarsy shyqqan London meri Sadık Hannyń aıtýynsha Ulybrıtanııa astanasynda kompanııanyń jumys isteý lısenzııasyn uzartýǵa biraz ýaqyt ketýi múmkin.
Uber qyzmeti jaıly kópshilik teris pikirde. Birqatar qalada taksı qyzmetkerleri narazylyǵyn bildirip jatady. Olardyń aıtýynsha Uber olardy bir jaǵynan klıentsiz qaldyryp jatsa, ekinshi jaǵynan kúndelikti aqysynan aıyryp otyr.
Degenmen, jańa tehnologııalar salasyndaǵy kásipker, Devıd Kameronnyń burynǵy keńesshisi Ronan Sılva mundaı pikirmen kelispeıdi. Onyń aıtýynsha Uber-diń arqasynda básekeles kompanııalar da qyzmet sapasyn joǵarylatty.
«Qazir jolaqysyn bank kartasy arqyly tóleýge bolady. Mundaı qyzmet túrin engize almaı kelgenimizge qanshama jyl ótti. Mine, osyǵan qarap básekeles kompanııalar da qyzmet sapasyn arttyryp jatyr», – deıdi Ronan Sılva.
Daıyndaǵan Aıan ÁBDÝÁLI, «Egemen Qazaqstan»