Qyzylordada oblys ákimdigi men «Djınan Sııan Konstrakshn Grýpp LTD» kompanııasy arasynda Syrdarııanyń sol jaǵalaýynda turǵyn úı salý týraly Memorandýmǵa qol qoıyldy. Bul týraly Qyzylorda oblysy ákiminiń baspasóz qyzmeti habarlady.
Qyzylorda oblysynyń ákimi Qyrymbek Kósherbaev Qytaı Halyq Respýblıkasynyń ınvestorlarymen kezdesip, olarǵa aımaǵymyzdyń ınvestısııalyq múmkindikteri týraly baıandap berdi.
«Biz kez kelgen tıimdi ıdeıalar men jobalardy qoldap, ınvestorlardyń nátıjeli jumys jasaýyna barlyq jaǵdaı jasaýǵa daıynbyz. Sizder sol jaǵalaýda qurylys salýǵa qyzyǵýshylyq tanytqandaryńyzdy bilemiz, sondyqtan bólinetin jer ýchaskelerine qajetti ınfraqurylymdy tartýdy óz jaýapkershiligimizge alamyz jáne birlesken jumys barysynda jan-jaqty qoldaý kórsetetinimizdi atap ótkim keledi», - dedi aımaq basshysy.
О́z kezeginde, «Djınan Sııan Konstrakshn Grýpp LTD» kompanııasynyń bas dırektory Lan Lısıao áriptestik ornatqanyna qýanyshty ekenin jetkizip, uzaq merzimdi birlese jumys jasaýǵa nıet bildirdi.
Esterińizge sala keteıik, aǵymdaǵy jyldyń qarasha aıynda «Baonbao» Sınszıan saýda kompanııasy» JShQ basqarma tóraǵasy Lıý Veı hanym bastaǵan QHR delegasııasy IH halyqaralyq «Baıqońyr Invest» forýmyna qatysyp, birlese júzege asyrý úshin 5 joba tańdaǵan bolatyn (Qyzylorda qalasyndaǵy Qorqyt Ata halyqaralyq áýejaıynyń jańa jolaýshylar termınalyn salý jáne paıdalaný, Qarmaqshy jáne Jańaqorǵan aýdandarynda qus fabrıkalaryn salý, Qyzylorda qalasynyń sol jaǵalaýynda qurylysyn salý jáne «KazPump» JShS elektr qondyrǵylary). Bul jobalar boıynsha jumys aldaǵy ýaqytta bastalmaq.