Máskeýdiń Vnýkova áýejaıynda Utair áýekompanııasynyń stıýardessasy ushaqtan qulap aýrýhanaǵa jetkizildi. Bul týraly reseılik TASS agenttigi habarlaıdy.
«Hanty-Mansıısk qalasyna ushar aldyndaǵy daıyndyq barysynda ushaqtyń artqy esigin jappaq bolǵan bortseriktiń aıaǵy taıyp ketip perronǵa qulady. Ol jedel túrde aýrýhanaǵa jetkizildi» - dep jazylǵan áýekompanııanyń baspasóz qyzmeti taratqan habarlamada.
Habarlamada sondaı-aq, oqıǵanyń sebepteri anyqtalyp, zardap shegýshige jan-jaqty kómek kórsetilip jatqany atap ótilgen.