Jaqynda Máskeýde halyqaralyq deńgeıdegi qoǵamdyq forým men «AtomEko 2017» kórmesi ótti.
Forým barysynda «Atom salasynyń qoǵamdaǵy tıimdiligin qalyptastyrýdaǵy áıel adamdardyń alatyn orny: halyqaralyq jáne reseılik tájirıbe» atty dóńgelek ústel uıymdastyryldy. Dóńgelek ústeldi MAGATE-niń Atom energııasy boıynsha Departament basshysy, bas dırektordyń orynbasary Mıhaıl Chýdakov pen «Atom salasyndaǵy áıelder» (Women in Nuclear Russia) halyqaralyq uıymynyń Reseıdegi bóliminiń jetekshisi Alena Iаkovlevalar ashyp, úılestirýshiler retinde júrgizip otyrdy.
Aıtýly shraǵa elimizdiń atynan qatysqan Qazaqstannyń Iаdrolyq qoǵamynyń dırektory Natalıa Jdanova «Atom energetıkasynyń qoǵamdyq tıimdiligi jáne áıel-mamandar» taqyrybynda ǵylymı baıandama jasady. Natalıa Jdanovanyń aıtýynsha, Qazaqstandaǵy ıadrolyq salanyń ósip-órkendeýi, beıbit atomnyń damýy tikeleı Elbasy Nursultan Nazarbaevtyń tapsyrmasymen júzege asyp jatyr. Osy salada eńbek etetin, ǵylymı zertteý jasaıtyn mamandardyń qatarynda er adamdarmen birge áıelderdiń de qatary kóbeıip keledi. Názik jandy hanymdarymyzdyń ǵylymı jetistigi joǵary, atom salasyndaǵy dáldik pen naqtylyqty tereń ıgergen.
-Áıel adamdardyń búgingi qoǵamda alatyn orny zor,-dedi Qazaqstannyń Iаdrolyq qoǵamynyń ldırektory Natalıa Jdanova,-bizdiń elimizdiń ıadrolyq ǵylym salasynda eńbek etip júrgen qyz-kelinshekter kóp. Ásirese jastarymyzdy alyp qaraıyq, búginde qyz-jigitterdiń ara salmaǵy birdeı, 50 paıyz er azamattar bolsa, 50 paıyzyn quraıtyn qyz balalarymyz jaqsy kórsetkishke jetip otyr. Áıel adamdar otbasy, oshaq qasynyń uıytqysy bolyp júrip te, atom salasynyń bilikti mamany atanýda. Sebebi áıelder týmysynan pedagog bolatyndyqtan kúrdeli tehnıkalyq, tehnologııalyq sátterdi qoǵamǵa erkin ári jeńil túsindirip bere alady.
Natalıa Jdanovanyń aıtýynsha, ózi Qazaqstan atynan barǵan atom salasynda eńbek etýshi birden-bir áıel adam retinde Elbasymyzdyń bastamasymen qolǵa alynyp jatqan jumystar legi jaıly aıtyp, halyqaralyq jıynǵa qatysýshylardy keńinen aqparattandyrǵan eken. Semeı ıadrolyq synaq polıgony jabylǵannan keıin, zardap shekken el men jerdi saýyqtyrýda Kýrchatovtaǵy Ulttyq Iаdrolyq Ortalyqtyń atqaryp jatqan kóptegen mańyzdy sharalaryna da toqtalypty. Astanada, Almatyda, Kýrchatov qalalarynda halyqty aqparattandyrý, aǵartýshylyq salasynda ǵylymı konferensııalar ótkizilýde. Atom salasynyń tıimdi tustaryn halyqqa túsindirýde Qazaqstannyń Iаdrolyq qoǵamynyń atqaryp otyrǵan jumystary zor.
Raýshan NUǴMANBEKOVA