IGI ISTER UIYTQYSY

Elbasynyń jyl saıynǵy joldaýlary ártúrli mazmunda bolǵanymen maqsat-múddesi aıqyn, el birligin saqtaý, elimizdi órkenıetti elder qataryna qosý, jaqsy ómir súrý joldary sııaqty ozyq oılarǵa jeteleıdi. Joldaýlar ár iske bastamashy, uıytqy bola bilýde. Bıylǵy jańa qujat elimizdiń ındýstrııalyq-ınnovasııalyq jolmen damýynyń naqty baǵyttaryn kórsetip berip otyr. Osyǵan oraı, alǵashqylardyń bir bolyp, Elbasy “Nur Otan” HDP Tóraǵasy Nursultan Nazarbaevtyń “Jańa onjyl­dyq – jańa ekonomıkalyq órleý – Qazaq­stannyń jańa múmkindikteri” atty Joldaýyn elimiz aýmaǵynda keń aýqymda nasıhattaý, túsindirý jumystaryna partııa kirisip te ketti. Pavlodar oblysynda qatarynda 55 myńǵa jýyq nurotandyqtar birikken elimizdegi iri partııalyq uıymnyń biri jumys isteıdi. Osy “Nur Otan” HDP oblystyq fılıalynda ótken jıyndy ashqan partııa Tóraǵasynyń birinshi orynbasary Nurlan Nyǵmatýlın osy tarıhı qu­jatta aıtylǵan árbir isti, árbir mindetti aby­roı­men atqarý barshanyń basty mindeti ekenin atap ótti. Odan ári ol Elbasy Joldaýynyń máni men ma­ńyzyna toqtalyp, qujattyń barlyq qazaq­standyqtar tarapynan keń qoldaý tabatynyna senim bildirdi. Forýmda eldiń órkendeýin kózdeıtin qujattyń ómirsheńdigi bul Joldaý el bolashaǵynyń baǵdarlamasy, aldaǵy atqarylar jumystyń sara joly degen pikir bildirildi. Bizdiń elimizdiń búginde asa bir mańyzdy tarıhı kezeńde turǵanyn jas ta, kári de jaqsy biledi. Sondyqtan olar Elbasy bastamalaryn árqashan qol­daıdy. Aldaǵy onjyldyqqa arnalǵan eko­no­mıkalyq damýymyzdyń jolyn aıqyndap bergen bul qujattyń keleshegimizdi kemeldendire túserine daý joq. Bolashaqqa degen senimderi arta túsken otan­dastarymyz “Jańa onjyldyq – jańa eko­nomıkalyq órleý – Qazaqstannyń jańa múm­kin­dikteri” atty tyń qujatqa qyzý qoldaý kór­se­týde. Buqaraǵa keń aýqymda nasıhattaý, túsindirý sha­rasyna “Nur Otan” HDP osylaı jol bastap berdi. Forýmdy ótkizýge oblys ákimi Baqytjan Saǵyntaev basqaratyn oblys ákimdiginiń bastamashy bolǵanyn aıta ketken jón. Munyń da ózindik sebebi bar. Elimizde júzege asyryla bastaǵan 162 ındýs­tr­ııalyq-ınnovasııalyq jobanyń 12-si bizdiń ob­lystyń enshisinde. О́ńir turǵyndary men eńbek­shileriniń yqylasy erekshe ekenin aıta kele oblys ákimi Prezıdent bastamalaryn barlyq qazaq­stan­dyqtar sııaqty pavlodarlyqtardyń da qyzý qol­daıtynyna zor senim bildirdi. Al, Pavlodar munaı-hımııa zaýytynyń jumysshysy Medet Dúısembaev jas mamandarǵa Úkimet tarapynan jasalynyp jatqan qoldaýlarǵa rızashylyǵyn bildirse, “Aýyl” partııasy oblystyq fılıalynyń ókili Rymtaı Shókeev saıası partııalar men uıymdardyń únqa­tysýyna jol ashqan Elbasynyń usynysy kóńilinen shyqqanyn jetkizdi. Jınalǵandar aldynda aldyńǵy qatarly óndiristik kásiporyn jumysshylary, bilim jáne densaýlyq saqtaý mekemeleri qyzmetkerleri, “Jas Otan” Jastar qanaty ókilderi de sóz sóıledi. Atap óterligi – barlyǵynyń pikiri bir arnaǵa toǵysyp, bul Joldaýdyń bolashaqqa baǵdar beretindigin, sonyń aıasynda atqarylar jumystyń jetekshi quraly bolatyndyǵyn pash etti. Farıda BYQAI, Pavlodar. KADRLYQ SAIаSATTYŃ JAŃA  KEZEŃI JASTARDAN BASTALADY “Jas Otan” JQ atqarýshy hat­shysy Nurlan О́teshev pen “Bola­shaq” qaýymdastyǵynyń atqarýshy dırektory Janna Tólegenovanyń qatysýymen brıfıng ótti. Onda respýblıkalyq “Jastar kadrlyq rezervi-2010” jobasy jáne oǵan jańa úmitkerlerdi qabyldaý barysy baıandaldy. N.О́teshev atalǵan bastamanyń 2009 jyldan júzege asyryla bas­ta­ǵa­nyn, alǵashqy joba boıynsha bar­­ly­ǵy 900-den astam úmitker qatys­qanyn atap ótti. “Solardyń ishin­de test nátıjeleri joǵary bol­ǵan úmit­kerler ekinshi kezeńge ótken. Munda olar Qazaqstandy túrli sala boıyn­sha damytýǵa qa­tysty ózderi ázirle­gen jobalary­men tanystyryp, ar­naıy komıssııa aldynda qorǵady. Synaqtan ótken 32 rezervıst Astana qalasynda oqý kýrstaryn oqyǵannan keıin res­pýblıkalyq deńgeıdegi túrli meke­melerde tájirıbelerin shyńdady”, dedi “Jas Otan” JQ-nyń atqarý­shy hatshysy. Onyń sózine qaraǵanda, bıylǵy jylǵy baıqaý erejelerinde sál ózge­ris bar eken. Máselen, atalǵan baı­qaýǵa qatysýǵa úmit bildirgender ót­ken jyldaǵydaı qujat tapsyr­ǵan­nan keıin ár úmitkerge arnaıy port­folıo jasalady. Onda qaty­sý­shy­nyń barlyq jetistikteri kór­se­tiledi. Al bul kórsetkishter jal­py reı­tıng­ke engiziledi. “Olar 4 aı boıy reı­tıng kórsetkishterin joǵa­rylatýlary qajet. Onyń nátı­je­sinde eń joǵary reıtıng jınaǵan tek 1000 qatysýshy ǵana testileý ke­zeńine jiberiledi. Test qorytyn­dysy boıynsha eń joǵary kórset­kishter kórsetken úmitkerler ar­naıy qurylǵan komıssııamen áń­gimele­sýden ótip, elimizdiń túrli sa­lasyn damytýǵa arnalǵan joba­laryn qorǵaıdy. Mine, osyndaı kezeńder­den ótken 300 qatysýshy bilim alý kezeńine jiberiledi. Al olardyń ishinen eń joǵary reıtıng pen kórsetkishke jetken 70 qa­tysýshy respýblıkalyq deńgeıdegi kadrlyq rezervke engiziletin bolady”, dedi Nurlan О́teshev óz sózinde. Taǵy bir atap óterligi, baıqaýǵa qa­tysqan qalǵan 230 úmitker aı­maq­tyq deńgeıdegi rezervke qoı­yla­dy eken. Olar keıin memlekettik qyzmetke, partııa jáne qoǵamdyq uıymdarǵa, áleýmettik salaǵa, BAQ-qa jáne bıznes salasyna jumysqa ornalasýǵa múmkindik alady. Brıfıng kezinde sondaı-aq, “Jas­tar kadrlyq rezervi-2010” jo­basynyń Bilim jáne ǵylym mınıs­trliginiń qarjylyq qoldaýy jáne Qazaqstan Respýblıkasy Prezıden­tiniń “Bola­shaq” halyqaralyq stı­pendııasy qaý­ym­dastyǵy negizinde júzege asyryl­ǵan­dyǵy aıtyldy. Láıla EDILQYZY.