«Esil» aımaqtyq damytý ortalyǵy qyzmetindegi basym baǵyttardyń biri jergilikti ónimder men taýarlardyń syrtqy naryqtaǵy básekelestigin arttyrý bolyp tabylady.
Onyń dırektory Rýslan Sharıpovtyń aıtýynsha jyl ótken saıyn shekaralas aımaqtardaǵy óńirler arasynda saýda-sattyq kólemi artyp, eksporttyq áleýettiń birshama artqany baıqalady.
«Ortalyqtyń bastamasymen Omby qalasynda eki saýda ortalyǵy ashylyp, soltústikqazaqstandyq kásipkerlerdiń úshjúzden astam azyq-túlik ónimderi qoıylǵan. Qazirgi ýaqytta 15 sheteldik kompanııamen qoıan-qoltyq jumys isteımiz», deıdi R. Sharıpov.
Soltústik Qazaqstan jáne Omby oblystary arasydaǵy ekitaraptyq memorandýmnan keıin ekologııalyq jaǵynan taza ónimderge degen suranys úsh esege deıin artqan. Bıyl Túmen, Ekaterınbýrgg, Novosibr qalalarynda saýda pavılondaryn ashyp, Soltústik Qazaqstannnyń sapaly, qoljetimdi ónimderin jetkizý josparlanyp otyr.
Omby qalasyndaǵy «QazMarket «AAQ-nyń jetekshisi Evgenıı Boısov birneshe azyq-túlik dúkeni jumys ysteıtinin, túsken tabys kútkendegiden eki esege asyp túskenin jetkizdi. Eshqandaı hımııalyq qospasy joq azyq-túlik ónimderine suranys óte joǵary. Sút, et ónimderi kúndelikti jetkizilgenine qaramastan sórede jatpaıtyn kórinedi.
О́mir Esqalı,
«Egemen Qazaqstan».
Soltústik Qazaqstan oblysy.