Oqıǵa Qyzyljar aýdanyna qarasty Penkovo aýylynda bolǵan.
Betperde kıgen belgisiz eki adam tún qarańǵylyǵyn jamylyp, janarmaı beketine basa-kóktep kirgen. Alaıda, kassır men kúzetshi olarǵa qarsylyq kórsetip, oljasyz qaldyrǵan.
«Beket túngi saǵat onda jabylyp, tereze arqyly qyzmet kórsetiletinin qylmyskerler aldyn ala bilgen. Osy sátti paıdalanyp, aram oılaryn júzege asyrmaq bolǵan», delingen ishki ister departamentiniń baspasóz qyzmeti taratqan aqparatta.
Qaskóılerdiń biri kúzetshige, ekinshisi kassır kelinshekke tap bergen. Kúzetshi ózine umtylǵan qaraqshyny travmatıkalyq qarýmen birneshe ret atyp álsiretip, kassırge kómekke kelgen. Ekinshi qaraqshy sybaılasyn alyp, qashyp ketken.
Osylaısha kassır men kúzetshiniń qaısarlyǵy arqasynda beket tonalmaı aman qalǵan. Qazir qylmyskerler izdestirilip jatyr.
Osydan eki jyl buryn dál osy beketke shabýyl jasaǵan qaraqshylar 4 mıllıon teńge alyp ketip, izderin sýytqan bolatyn.
О́mir Esqalı,
«Egemen Qazaqstan».
Soltústik Qazaqstan oblysy