Parlament Senatynyń depýtaty Rysqalı Ábdikerov Qaraǵandyda azamattardy qabyldady. Senatormen kezdesýge ártúrli áleýmettik máseleler tolǵandyrǵan oblys ortalyǵynyń turǵyndary bardy, dep habarlaıdy Senattyń baspasóz qyzmeti.
Qaraǵandy qalasynyń turǵyny T.Shýtovany tolyq emes otbasylarynda ósip kele jatqan kámeletke tolmaǵan balalardyń materıaldyq jaǵdaıy mazalaıdy. Ol balalardyń kópshiligi belgilengen alımentke qol jetkize almaı otyr. Sondyqtan ondaı balalardy qoldaý úshin arnaıy qor ashý usynyldy. Qaraǵandy qalasynyń ekinshi turǵyny O.Garnıskıı qalanyń keıbir aýdandary ortalyq jylý qubyrymen qamtamasyz etilmegenin, ystyq sý men gaz da joq ekenin aıtyp, osy máselelerdiń sheshimin tabýǵa kómek surady.
«Qorǵaý» ardagerler keńesiniń múshesi V.Chaıka qala men oblysty damytýdaǵy aǵa býyn ókilderiniń róli týraly aıta kelip, olardyń jastar tárbıesine atsalysýy kerektigi týraly óz oıyn ortaǵa saldy. Ol sonymen birge ardagerler atynan depýtatattardy «Ardagerler týraly» zańdy qabyldaýǵa shaqyrdy.
Jalpy alǵanda, depýtatqa 11 azamat qabyldaýǵa kelip, eki shaǵym boıynsha qabyldaý kezinde oń sheshim qabyldandy. Qabyldanǵan 5 shaǵym tıisti mekemelerge jiberildi. Sondaı-aq 4 azamatty tolǵandyrǵan máseleler boıynsha tıisti túsindirý jumystary júzege asyryldy. Aıtylǵan barlyq shaǵymdardyń sheshimin tabýyn senator R.Ábdikerov nazarda ustaıtyn boldy.