Senatorlar Marat Taǵymov pen Muhtar Jumaǵazıev Aqtóbe qalasy men Aqtóbe oblysyndaǵy Alǵa aýdanyndaǵy eńbek ujymdarymen birqatar kezdesýler ótkizdi, dep habarlaıdy Senatynyń baspasóz qyzmeti.
Parlamentshiler elimizdegi munaı jáne gaz salasynyń suranysyn qamtamasyz etip otyrǵan Aqtóbe munaı jabdyqtary zaýytynda boldy. Bul kásiporynnyń ónimderi Qazaqstandaǵy kómirsýtegi kenishteriniń bárine jiberiledi. Qazirgi zamanǵy jabdyqtardyń arqasynda zaýyt eksporttyq áleýetti ulǵaıtýdy josparlap otyr.
Depýtattar jańa «Bolashaq» shaǵyn aýdanynda salynǵan № 68 orta mekteptiń ustazdar ujymymen kezdesti. Senator M.Taǵymov bilim uıasynyń joǵary deńgeıde materıaldyq-tehnıkalyq jabdyqtalǵanyn atap ótti. Onyń aıtýynsha, munda ýaqyt talabyna saı bilim alý úshin barlyq jaǵdaı jasalǵan.
Oblys ortalyǵyna sapar baǵdarlamasy boıynsha senatorlar Ábilqaıyr han dańǵylynda ornalasqan «Qazaq halqyna myń alǵys» kesheni men «Jubanovtar álemi» mýzeı-úıinde de boldy. M. Jumaǵazıev aǵaıyndy Ahmet jáne Qudaıbergen Jubanovtardyń muralary tek Aqtóbe emes, búkil elimizdiń qazynasyna aınalǵanyn atap ótti. О́nerli daryndar otbasy Jubanovtar Qazaqstannyń mádenıet salasyna qomaqty úles qosty. Elbasynyń rýhanı jańǵyrý baǵdarlamasyn iske asyrý aıasynda ashylǵan murajaı Qazaqstan óneriniń eń úzdik úlgilerin nasıhattaýdyń tamasha múmkindigi bolyp otyr.
Depýtattar Alǵa aýdanynda bolǵan kezde Bestamaq aýylyndaǵy ydys-qaptaý fabrıkasynyń, «Aqtep» jáne «Aqtóbe et klasteri» mekemeleriniń jumysymen tanysty. Senatorlar sondaı-aq mádenıet úıinde, memorıaldyq keshende bolyp, memlekettik-jeke áriptestik aıasynda salynǵan aýyldyq dárigerlik ambýlatorııanyń qyzmetin kórdi.
Depýtattar «Nurly jol», «Nurly jer» baǵdarlamalaryn iske asyrý aıasynda Memleket basshysynyń tapsyrmalarynyń oryndalýy týraly eńbek ujymdaryn habardar etti. Memleket basshysynyń «Bolashaqqa baǵdar: rýhanı jańǵyrý» baǵdarlamalyq maqalasyna erekshe nazar aýdaryldy.
Aımaq turǵyndary elimizdiń damýyna jáne azamattardyń ál-aýqatynyń artýyna jańa serpin beretin Memleket basshysynyń reformalaryna qoldaý bildirdi. Kezdesýge qatysýshylardyń ortaq pikiri boıynsha, bizdiń elimizde tehnologııalyq jańǵyrtýǵa, onyń ishinde otandyq ónimderdi álemdik naryqqa shyǵaratyn agrarlyq salany damytýǵa qajetti barlyq resýrstar bar.
Depýtattarmen áńgime barysynda aýyl eńbekkerleri aýdandaǵy aýyl sharýashylyǵy kesheni áleýetin ulǵaıtýǵa tikeleı qatysty birqatar máselelerdi kóterdi. Atap aıtqanda, ónimderge sýbsıdııa bólý jáne olardy saqtandyrý, aýyl sharýashylyǵy kooperatıvterin qurý qaǵıdalary, jańa nesıe saıasatynyń qoldanylýy jáne aýyl eńbekkerlerin, shaǵyn jáne orta bıznesti memlekettik qoldaýdyń tıimdi tetikterin paıdalaný týraly aıtyldy.
Senatorlar M.Taǵymov pen M.Jumaǵazıev aýdandyq ákimdik ǵımaratynda azamattardy qabyldady.