Investısııa – ekonomıka damýynyń negizi

Investısııalardyń deńgeıi qanshalyq­ty joǵary bolsa, ekonomıka damýynyń dá­re­jesi de sonshalyqty joǵary bolatyny belgili. Osy oraıda, keshe «Nur Otan» ın­­vestısııalyq belsendilikti yntalandyrý jáne eksporttyq áleýetti damytý máse­le­leri jónindegi dóńgelek ústel ótkizdi. Oǵan Premer-Mınıstrdiń orynbasary – Indýs­trııa jáne jańa tehnologııalar mınıstri Áset Isekeshev, Parlament Májilisiniń de­pý­tattary, ortalyq memlekettik organdardyń jáne jergilikti at­qarýshy organdardyń, damý ınstıtýttarynyń, bıznes-qury­lym­dary men qoǵamdyq uıymdardyń ókilderi qatysty. Búgingi kúni ınvestısııalardyń kólemi boıynsha, Qazaqstan TMD keńistiginde kóshbasshy bolyp ta­bylady. Táýelsizdiktiń 20 jyl­dyq tarıhynda 122 mıllıard dol­lardan astam qarjy tartylǵan. Onyń úlken bóligi shıkizat sala­sy­na tıesili. Alaıda, sońǵy ýa­qyt­ta jaǵdaı oń baǵyt alǵan. Tek ót­ken jyldyń ishinde óńdeýshi óner­kásipke quıy­la­tyn qarjy kólemi 36 paıyzǵa ósti. Alaıda, bul kór­setkish jalpy ınvestısııa kóle­mi­niń 9 paıyzyn ǵana quraıdy. Nur­otandyqtardyń oıynsha, túbegeı­li ózgerister keze­ńi bastaldy. Sebebi, ınvestısııa­lyq ahýaldy jaq­sartý partııa baǵ­darlamasynyń basym baǵyttary­nyń biri bolyp tabylady. Partııa Tóraǵasynyń birinshi orynbasary Nurlan Nyǵmatýlın­niń aıtýynsha: «Búgingi kúni Qa­zaq­­stannyń ınvestısııalyq tar­tym­dy memleketke aınalǵany – bul, eń aldymen, Elbasymyz, «Nur Otan» partııasynyń Tór­aǵa­sy Nursultan Ábishuly Nazar­baev­tyń zor eń­beginiń nátıjesi. Son­dyqtan, elimizge ınvestısııa­lar­dy tartý ju­my­syn odan ári jalǵastyrýymyz qajet. Sebebi, búgingi ınvestısııalar ınnovasııa­lyq tehnologııalarmen tikeleı baı­lanysty. Sonymen birge, ınvestısııalar – bul, árıne, jańa óndirister jáne jańa jumys oryndary». «Nur Otan» ınvestorlarǵa laı­yqty jaǵdaı jasaý úshin árbir ınvestısııalyq jobanyń iske asy­rylýyn óz baqylaýyna alýǵa nıetti. Partııalyqtar yqtımal ın­ves­tordy tartý kezeńinen bastap, jo­banyń is júzinde iske asyrylý satysyna deıingi jumysqa monıtorıng júrgizýdi josparlap otyr. Sonymen birge, partııalyqtar tar­tylǵan ınvestısııalar úlesi aımaq ákimderi qyzmetiniń basty kórset­kish­teriniń biri bolýy tıis degen pikirde. Prezıdenttik ındýstrııalan­dy­rý baǵdarlamasy da ishki jáne syrtqy ınvestısııalardyń ósimi­ne qolaıly jaǵdaılar týǵyzady. Osy baǵdarlama boıynsha jalpy quny 9 trln. teńgeni quraıtyn 600 jo­ba­ny iske asyrý josparlanǵan. Obek­tilerdiń úshten bir bóligi búginniń ózinde iske qosylǵan. Sát­ti ınvestısııalyq jobalar – Moınaq GES-i, Jetigen-Qorǵas temir jol jelisi. Alaıda, basymdyq tek iri jobalarǵa ǵana berilmeýi tıis. «Atameken Odaǵy» UEP bas­qarmasynyń tóraǵasy Abylaı Myr­zahmetovtiń aıtýynsha, «Nur Otan» partııasy ótkizip jatqan dóńgelek ústeldiń taqyryby asa mańyzdy, sebebi, ınvestısııa­lardy jergilikti óndiriske tartý búkil Qazaqstannyń ekonomı­kasyna oń yqpal jasaıdy. Kezdesýdiń basty qorytyn­dy­larynyń biri partııa men «Kaznex Invest» Eksport jáne ınvestısııa jónindegi ulttyq agenttigi ara­syn­­daǵy Áriptestik jónindegi me­mo­ran­dýmǵa qol qoıý rásimi boldy. Bul qujat barlyq naryq qaty­sý­shylarynyń arasyndaǵy baıla­nys­tardy qalyptastyrýǵa jáne áriptestiktiń tıimdiligin arttyrý­ǵa múmkindik jasaıdy. «Kaznex In­vest» Eksport jáne ınvestısııa jó­nindegi ulttyq agenttik sarap­shysy Tolybaı Bekjannyń aı­týynsha, aımaqtarda ınvestorlar­dy qyzyqtyratyn obektiler az emes. Sol jerlerge ınvestorlar­dy tartý úshin agenttik qarqyndy ju­mys atqaryp jatyr. Qol qoıylǵan memorandým ınvestısııa tartý ju­mysyna zor úles qosady. Partııalyqtar birlesken is-qı­myldar 2020 jylǵa qaraı otan­dyq jáne sheteldik ınvestısııa­lardyń shıkizattyq emes sektor­da­ǵy úlesin jalpy kólemniń 30 paıyzyna deıin jetkizý qajet­ti­ligi týraly Elbasynyń tapsyr­ma­syn sapaly túrde oryndaýǵa múmkindik beretinine senimdi. Kezdesý barysynda Nurlan Nyǵ­matýlın sondaı-aq partııalyq bıletter tabys etti. Partııa mú­she­­leri qatary bıznes ókilderimen tolyqty. Olardyń ishinde «Atameken Odaǵy» Ulttyq ekonomıkalyq palatasy basqarmasynyń tóraǵa­sy Abylaı Myrzahmetov, Lokomotıv qurastyrý zaýytynyń vıse-prezıdenti Andreı Ershov pen Alıans-banktiń Astana qalalyq fılıaly­nyń dırektory Sanat Abenov bar. «Egemen-aqparat».