Parlament Májilisiniń depýtattary Qyzyljar óńirinde bolyp, ujym múshelerimen kezdesýler ótkizdi.
«Esil sý» memlekettik kásipornynda ótken júzdesýge májilismender Olga Perepechına men Petr Sharapaev qatysyp, óńirdi aýyzsýmen qamtamasyz etý, eldi mekenderge sapaly tirshilik nárin jetkizý jaıymen tanysty. Ujymda bir myńǵa jýyq adam eńbek etedi. Jıynda atqarylǵan keshendi sharalarǵa qaramastan tozǵan, eskirgen magıstraldy qubyrlarǵa aýystyrýǵa qarajattyń jetimsizdigi aıtylyp, yqpal etý suraldy.
Petropavl mashına jasaý kolledjinde halyq qalaýlylary oqýshylardyń jańa baǵdarlamamen oqyp jatqandaryn, shákirtaqy alyp, tegin tamaqtanatynyn bildi.
Qyzyljar aýdany Kondratov orman sharýashylyǵynda ótken kezdesýge Pavel Kazansev pen Petr Sharapaev qatysyp, Parlament jumysy jaıly jan-jaqty aqpar berdi. Qabyldanǵan zańdardyń ózektiligin sóz etti. Jergilikti jaǵdaıdyń tynys-tirshiligimen tanysyp, turǵyndardyń ótinish-tilekterine nazar aýdardy.
Budan keıin Parlament Májilisiniń depýtattary M. Jumabaev aýdanynda bolyp, qoǵamdyq qabyldaý uıymdastyrdy. О́tinish-tilektermen qaırylǵan azamattardyń máselelerin sheshýdi óz baqylaýlaryna alatyn boldy. «Semeınyı» sýpermarketinde, «Azııa Výds» JShS-de ótken kezdesýlerde elimizde bolyp jatqan saıası-ekonomıkalyq máseleler talqylanyp, Elbasy, Úkimet tarapynan atqarylyp jatqan jumystarǵa oń baǵa berildi.
Halyq qalaýlylarynyń eldi mekenderderdi aralaý sapary jalǵasýda.
О́mir Esqalı,
«Egemen Qazaqstan».
Soltústik Qazaqstan oblysy.