Ulylar mekeni Abaı aýdanynda sońǵy jyldary ken óndirýge basymdyq berile bastady. Jaqynda aýdan ákimi Jarqynbek Baısabyrov pen «BAST» AQ prezıdenti V.Ipatov eki jaqty yntymaqtastyq kelisimine qol qoıdy.
Atalǵan kásiporyn birneshe jyldan beri aýdan aýmaǵynda mys, myrysh konsentrantyn óndirip jatqany belgili. О́tken jyly 400 tonnadan astam konsentrattty ıgergen kásiporyn 2018 jyly bul kórsetkishti 1000 tonnaǵa deıin jetkizýdi josparlap otyr.
Kezdesý barysynda birqatar nátıjeli kelisimderge qol jetkizildi. Aldaǵy ýaqytta Abaı kolledjin dánekerleýshi, qurylys mamany, slesar, traktorıst-mashınıst, aspaz mamandyqtary boıynsha támamdaǵan stýdentter atalmysh ken ornynan is-tájirıbeden ótip, jumyspen qamtamasyz etiletin bolady. Sonymen qatar óndiris ornynyń fılıaly Abaı aýdanyna tirkeýge turyp, zań aıasynda salyq túsimderin tolyq aýdaryp otyrýǵa mindetteldi.
«Bul memorandým Abaı aýdanynyń turǵyndaryn jáne jergilikti kásiptik bilim beretin Abaı kolledjiniń túlekterin jumyspen qamtýǵa zor múmkindik týdyryp otyr. Aýdan bıýdjetin quraıtyn salyq túsimderi de artyp, aldaǵy ýaqytta «BAST» AQ-y «Týǵan jer» baǵdarlamasy aıasynda demeýshilik jasap, qol ushyn sozýǵa yqtııar ekendigin aıtty», - deıdi aýdan ákimi Jarqynbek Baısabyrov.
Azamat QASYM,
«Egemen Qazaqstan»
Shyǵys Qazaqstan oblysy,
Abaı aýdany