Qoǵamdyq qaýipsizdikti qamtamasyz etý jáne qarý qoldana otyryp jasalǵan qylmystardyń aldyn alý maqsatynda respýblıka aýmaǵynda 2017 jylǵy sáýirden bastap jeltoqsanǵa deıin halyqtaǵy zańsyz saqtaýdaǵy atys qarýdy, oq-dárini jáne jarylǵysh zattardy satyp alý aksııasy ótkizildi.
Júrgizilgen is-sharalar nátıjeleri boıynsha ishki ister organdaryna 2 166 azamat júgingen, olar jalpy somasy 147,9 mln. teńgege erikti túrde 2 944 birlik atys qarý, 60 087 dana oıyq qarý patrondaryn, sondaı-aq 1 dana jarǵysh qurylǵy jáne 14 kg jarylǵysh zat tapsyrdy. Zańsyz saqtaýdaǵy atys qarýdy, oq-dárini jáne jarylǵysh zattardy erikti túrde ótemdi tapsyrý boıynsha Ońtústik Qazaqstan, Qyzylorda, Shyǵys Qazaqstan, Aqmola, Pavlodar, Soltústik Qazaqstan, Jambyl, Aqtóbe, Batys Qazaqstan, Almaty, Qaraǵandy jáne Qostanaı oblystary eń kóp belsendilik tanytty.
IIM 2012 jyldan bastap halyqtan qarý-jaraq zattaryn satyp alý boıynsha is-sharalar ótkiziledi, bul kezeńde jalpy somasy 1 mlrd. 36 mln. teńge azamattarmen erikti túrde 30,4 myń birlik atys qarýy, 130 jarǵysh qurylǵy, 1 mln. danadan astam oıyq uńǵyly qarýǵa patrondar tapsyrylǵan.
Qabyldanyp jatqan sharalardyń tıimdiligi týraly sońǵy 5 jylda atys qarýyn qoldana otyryp jasalǵan qylmystardyń sany 55%-ǵa azaıǵany kýálandyrady. 2017 jyldyń qorytyndysy boıynsha atys qarýyn qoldana otyryp jasalǵan qylmystardyń sany 1,2%-ǵa azaıdy.
Aksııa boıynsha is-sharalardy jaqyn aradaǵy 2 jylda ótkiziledi, bul maqsatqa respýblıkalyq bıýdjetten 234,1 mln. teńge aqshalaı qarajat bólingen. Aksııanyń bastalýy týraly azamattar BAQ arqyly aqparattandyrylatyn bolady. Halyqtaǵy zańsyz saqtaýdaǵy atys qarýdy, oq-dárini jáne jarylǵysh zattardy erikti túrde ótemdi tapsyrý tártibi Qazaqstan Respýblıkasy Ishki ister mınıstrliginiń resmı ınternet resýrsynda ornalastyrylǵan.