Elektrondy qyzmetke ekpin túsirilýde

Sonyń ishinde memlekettik organdardyń tıimdi júıesi men qurylymy jasalyp, memleketti basqarýdyń utymdy úlgisi iske qosylǵandyǵyn da atap ótken jón. Elbasy N.Nazarbaevtyń «Qazaqstan-2050» Strategııasynda «Memlekettik qyzmet kórsetý – bul elimizdiń áleýmettik-ekonomı­kalyq damýynyń negizgi kórsetkishi» dep atap ótilgen bolatyn. Osyǵan baılanys­ty, memlekettik organdar qyzmetiniń tıimdiligin arttyrýǵa jáne atalǵan salanyń damýyna basty nazar aýdarýymyz qajet. 

Buǵan qatysty Qaraǵandy oblysynda birshama aýqymdy is-sharalar atqarylyp keledi. Aıtalyq, Jańaarqa aýdanynyń atqarýshy organdary aǵymdaǵy jyly memlekettik qyzmet kórsetýdiń túrlerin óz deńgeıinde júzege asyrǵan. Bir jyl ishinde atalmysh aýdannyń atqarýshy organdary barlyǵy 69 238 memlekettik qyzmet kórsetipti. Onyń ishinde zaman talabyna saı jabdyqtalǵan halyqqa qyzmet kór­setý ortalyqtary arqyly kórsetilgen mem­le­kettik qyzmetter de bar. Mysaly, «Elek­trondy úkimet» veb-portaly arqyly 97 memle­kettik qyzmet kórsetilgen. Sonymen qatar Elbasynyń Joldaýyn júzege asyrý maqsatynda aýdan turǵyndaryn memlekettik kórsetiletin qyzmetterdi elektrondy formatta jáne memlekettik kórsetiletin qyzmetti «Elektrondy úkimettiń» veb-portaly arqy­ly alý, sonymen qatar aqparattyq saýat­­ty­lyqty arttyrýǵa baǵyttalǵan aýdan orta­lyǵynyń turǵylyqty halyq kóp sho­ǵyr­lanǵan kóshelerine, aýdannyń bar­lyq kent jáne aýyldyq okrýgterinde taqyryp­tyq bannerler ornatylǵandyǵy da osy jumys­tardyń nátıjeli jalǵasy bolyp esepteledi.

Jańaarqa aýdany boıynsha memlekettik qyzmet kórsetetin bólim qyzmetkerleriniń qatysýymen ótken Kórsetile­tin memlekettik qyzmetterdiń jármeńkesin de kópshi­lik kóńilinen shyqty deýge bolady. Jármeń­keniń maqsaty – aýdan turǵyndaryna memle­kettik qyzmet kórsetý boıynsha keńes berý, kórsetiletin memlekettik qyz­metterdi barynsha ońtaılandyrý, qoljetim­dilikti damytý, sapasyn arttyrý jáne «Elektrondy úkimet» portaly «Egov» ar­qyly kórsetiletin qyzmetter týraly ha­lyqqa keńinen túsindirý. Aýdan turǵyn­dary úshin bul jármeńkeniń mańyzy zor ekeni belgili. Sebebi memlekettik kórseti­letin qyz­metter­diń jármeńkesinde aýdan turǵyn­dary bar­lyq salalar boıynsha suraq qoıyp, jaýap­ alý múmkindigine ıe bolady.

Sonymen birge Elbasy Joldaýynda kóz­delgen is-sharany júzege asyrý maqsatynda atalmysh aýdan ákimdigine qarasty bólim uıymdary, mekemeniń barlyq qyzmetshileri jedel túrde elektrondy sıfrly qoltańba (ESQ) ashyp berý boıynsha tıisti jospar-keste bekitken. Osyǵan oraı elektrondy sıfrly qoltańbamen qamtamasyz etý jáne memlekettik qyzmet­terdi barynsha elektrondy túrde, ıaǵnı «Elek­trondy úkimet» portaly» arqyly alýdyń tıimdiligin keńinen nasıhattaý jumys­tary júrgizilgendigi qýan­tady. Son­daı-aq «О́zine-ózi qyzmet kórsetý burysh­t­aryn» kent jáne aýyldyq okrýgter ákimshi­likterinde jandandyrý jumystary júrgizilip uıymdastyrylǵan.

Jalpy, memleketimizde qyzmet alýshy­lardyń memlekettik qyzmetterdi alý tártibi týraly habardar bolý deńgeıin arttyrý boıynsha jumystar júrgiziledi. Oǵan baılanys­ty da Jańaarqa aýdany semınar-keńester, dóńgelek ústelder, brıfıngter, konferensııalar men basqa da is-sharalar ótkizip turatyn.

Odan bólek, aýdanda Qazaqstan Respýb­lıkasy Memlekettik qyzmet isteri jáne sybaılas jemqorlyqqa qarsy is-qımyl agenttiginiń Qaraǵandy oblysy boıynsha departamenti men Qaraǵandy oblysy ákimi apparatynyń qyzmetkerleri semınar ótkizgen. Onyń da basty mindeti Jańaarqa aýdanynyń jergilikti atqarý organdarynyń sapaly memlekettik qyzmet­terdi kórsetýi, memlekettik qyzmet kórsetý standarttarynyń normalaryn saqtaýy bolyp tabylady. Búginde aýdan kóleminde bar­lyq memlekettik qyzmet kórsetetin meke­melerde jáne HQKO ǵımarattarynda mem­lekettik qyzmetterdi alý, olarǵa aryzdaný merzimderi týraly, sol sııaqty 1414 biregeı baılanys ortalyǵy týraly aq­parat ornalastyrylǵan. Aldaǵy ýaqytta da Jańaarqa aýdanynda kórsetilip jat­qan mem­lekettik qyzmetterge halyqtyń qolje­tim­­diligin qamtamasyz etý maqsatynda aýdan ákimi apparatynyń resmı saıty jumys istemek. Ol jerde de elektrondy qyz­met­ter­de tutynýshylardyń úlesin kóbeıtý, qyz­met kórsetý merzimderin buzýǵa jol bermeý, kórsetiletin qyzmetter sanyn arttyrý baǵyttarynda jumystar jalǵasyn tappaq.

Mıras ASAN, «Egemen Qazaqstan»

Qaraǵandy oblysy, Jańaarqa aýdany