Májilis depýtattary – «Nur Otan» partııasy fraksııasynyń músheleri Qyzylorda oblysyna jumys sapary barysynda Syrdarııa aýdanynda boldy.
Qýanysh Sultanov, Baqtyqoja Izmuhambetov, Abaı Tasbolatov, Muhtar Erman, Balaıym Kesebaeva, Abzal Eralıev, Gennadıı Shıpovskıh aýysymyna 250 adamdy qabyldaıtyn ortalyq emhananyń jumysymen tanysyp, densaýlyq saqtaý salasy qyzmetkerlerimen kezdesti. Ambýlatorııalyq emhana «150 dárigerlik ambýlatorııa, emhana jáne feldsherlik-akýsherlik pýnktter qurylysy» baǵdarlamasyna sáıkes salynǵan.
Kezdesý barysynda medısına qyzmetkerleri densaýlyq saqtaý salasyn damytý baǵytynda jasalyp jatqan ıgi isterge rızashylyqtaryn bildirip, ózderiniń zeınetkerlik jasyn qaıta qaraý týraly usynystaryn aıtty.
Atalǵan kezdesýden keıin Májilis depýtattary aýdandaǵy birqatar kásipkerlik nysandar men áleýmettik-mádenı mekemelerdiń jumysymen tanysty.
Erjan BAITILES, «Egemen Qazaqstan»
QYZYLORDA
* * *
Parlament Senatynyń depýtaty Olga Perepechına Soltústik Qazaqstan jáne Qostanaı oblystaryndaǵy 183 eldi mekendi taza aýyz sýmen qamtamasyz etip otyrǵan «Qazsýshar» respýblıkalyq memlekettik kásipornynyń «Esil sý» bólimshesinde boldy.
Kásiporyn qyzmet kórsetetin aımaqtaǵy 2920 shaqyrym sý qubyrynyń basym kópshiliginde apattyq jaǵdaı oryn alyp otyr. Uzyndyǵy 1800 shaqyrym bolatyn qubyr bólikterine jedel jóndeý jumystaryn júrgizý úshin 48 mlrd teńge bólý kerek. Kásiporyn basshylyǵy sý qubyryn jańartýǵa respýblıkalyq bıýdjetten qarjy bólýge kómektesý úshin senatorǵa ótinish aıtty.
O.Perepechına, sondaı-aq Petropavl qalasyndaǵy Mashına jasaý kolledjiniń ujymymen de kezdesti. Oqý mekemesinde dýaldy júıe negizinde bilikti mamandar daıarlaý jónindegi joba tabysty júzege asyp keledi. Bul joba Elbasynyń «Qazaqstannyń úshinshi jańǵyrýy: jahandyq básekege qabilettilik» Joldaýyndaǵy tórtinshi basymdyqty iske asyrýǵa – adam kapıtaly sapasyn jaqsartýǵa baǵyttalǵan.
О́mir ESQALI, «Egemen Qazaqstan»
Soltústik Qazaqstan oblysy
* * *
Oblysqa kelgen Parlament Májilisiniń «Nur Otan» partııasy fraksııasynyń depýtattary Qostanaıdaǵy «SaryarqaAvtoProm» jáne «AgromashHoldıng» mashına jasaý zaýyttarynyń óndiris alańynda boldy.
Halyq qalaýlylary zaýyttardyń sehtaryndaǵy avtomobılderdi qurastyrý jumystarynyń dánekerleý, boıaý, qurastyrý jáne taǵy basqa jumystarynan turatyn tolyq úderisimen tanysty. «SaryarqaAvtoProm» zaýytynda búginde birqatar álemdik brendter shyǵarylady.
Depýtattar kelesi kezekte «AgromashHoldıng» zaýytynda qurastyrylatyn aýylsharýashylyq tehnıkalaryn kórdi. Bul zaýyt Belarýstiń aýylsharýashylyq tehnıkalaryn óndiretin ataqty «Gomselmash» zaýytynyń ónimin Qazaqstanda qurastyrý quqyna ıe bolǵan jalǵyz óndiris orny ekenin aıtý lázim.
Quramynda I.Aronova, A.Raý, A.Sýslov, V.Oleınık, I.Klımenko, S.Qusaıynov bar májilismender saparlary barysynda «Nurly jer» memlekettik baǵdarlamasyn júzege asyryp jatqan Qostanaı aýdanyndaǵy «Severnyı» shaǵyn turǵyn aýdanynda boldy.
Názıra JÁRIMBET, «Egemen Qazaqstan»
QOSTANAI
* * *
Parlament Senatynyń depýtattary Muratbaı Joldasbaev pen Abdaly Nuralıev Baızaq aýdanynda boldy. Halyq qalaýlylary aýdanda Elbasy Joldaýynan týyndaǵan mindetterdiń júzege asyrylý barysymen tanysty.
Depýtattar bolǵan Qostóbe aýyldyq okrýgine qarasty Talas aýylyndaǵy «Mambetova K» jeke kásiporny shujyq jáne nan ónimderin óndiredi. Atalǵan kásiporynda 40 adam jumyspen qamtylyp, eki aýysymda jumys isteıdi. Kásiporyn basshysy Raýshan Mámbetovanyń aıtýynsha, óndiriletin tátti toqashtarǵa oblystyń barlyq aýdandarymen qatar, Almaty jáne Baıqońyr qalalarynan tapsyrys berýshiler kóp eken. Senatorlar kásiporyn jumysyna oń baǵa berdi.
Budan keıin Senat depýtattary Kóktal aýylynda salynyp jatqan maı óńdeý sehyna bardy. Atalǵan kásiporyn «Bıznestiń jol kartasy-2020» baǵdarlamasy boıynsha jeńildetilgen nesıege qol jetkizip, 74 mıllıon teńgege qural-jabdyqtar satyp alǵan. Jas kásipker Bolat Esenbaev depýtattarǵa endi óndiris orny tolyq iske qosylsa, 50 jańa jumys orny ashylatynyn jetkizdi.
Hamıt ESAMAN, «Egemen Qazaqstan»
Jambyl oblysy
* * *
О́ńirge kelgen Májilis depýtattary Aızada Qurmanova men Aıgúl Nurkına jergilikti turǵyndarmen kezdesti.
Oblys ortalyǵyndaǵy «Nur Otan» partııasynyń oblystyq fılıaly keńsesinde ótken kezdesýde qala turǵyndarynyń tegin berilýi tıis dárilerdi dárihanalardan ala almaýy nemese basqa dárimen almastyryp berý jaǵdaılary sóz boldy.
Onyń mánisin oblystyq Densaýlyq saqtaý basqarmasynyń mamandary túsindirýge tyrysty. Al depýtattar tegin berilýi tıis dári-dármekterdiń turǵyndarǵa qoljetimdi bolýy aldymen barlyq másele jergilikti jerde naqty sheshimin tabýymen tikeleı baılanysty ekendigin atap kórsetti.
Májilis depýtattary Artýr Platonov pen Meıram Pishembaev «Pavlodar» SEQ aýmaǵyndaǵy «Gıssenhaýs» JShS alıýmınıı qospasyn óndiretin kásiporynnyń eńbek ujymymen kezdesti. Aıta keteıik, Qazaqstan men Reseıdiń birlesken jobasy retinde iske qosylǵan nysannyń ınvestısııalyq kólemi 6,7 mlrd teńgeni quraıdy.
Farıda BYQAI, «Egemen Qazaqstan»
PAVLODAR
* * *
Parlament Senatynyń depýtaty Dúısenǵazy Mýsın jumys sapary barysynda Jarma aýdanynyń jurtshylyǵymen júzdesip, Elbasynyń «100 naqty qadam» Ult jospary, «Nurly jol», «Rýhanı jańǵyrý» baǵdarlamalary jaıynda baıandady.
Parlament Májilisiniń depýtattary Shafhat О́temisov, Olga Shıshıgına, Evgenıı Kozlov О́skemende O.Rypakova atyndaǵy jeńil atletıka manejiniń, №1 qalalyq aýrýhananyń jumysymen tanysyp, oblystyq sot ujymymen kezdesý ótkizdi. Sonymen qatar Semeıdegi sport akademııasynda bolyp, «Semeı ormany» memlekettik orman tabıǵı rezervaty ujymymen júzdesti jáne Parlamenttiń atqaryp jatqan jumystary týraly baıandap, ormanshylardy tolǵandyrǵan máselelerge qulaq túrip, usynys-pikirlerin tyńdady.
Parlament Májilisiniń depýtaty Nurtaı Sabılıanov Aıagóz, Úrjar jáne Tarbaǵataı aýdandarynyń turǵyndarymen kezdesti.
Azamat QASYM, «Egemen Qazaqstan»
Shyǵys Qazaqstan oblysy