Shekara qyzmeti akademııasynda ıisshil ıtterdi úıretedi

Akademııada jıyrmaǵa jýyq kafedra bar. Sonyń ishinde shoqtyǵy bıik 40 jyldyq tarıhy bar kınologııa jáne atty daıyndyq kafedrasy dep aıtsaq artyq bolmas. Búginde eli­mizdegi kúshtik qurylymdarǵa já­ne basqa da vedomostvolarǵa kı­nolog-ofıserlerdi daıyndap shy­ǵaratyn kafedrany polkovnık Erkin Ońbaev basqarady. Táji­rı­­beli maman, bilikti ofıser­diń bas­shylyǵymen kafedra ujy­my ózderine júktelgen jaýapty min­det­ti abyroıly atqarýǵa daǵ­dy­lan­ǵan. Mundaǵy bilikti ofı­serler mem­­l­ekettik shekarany kúze­tý isine taptyrmaıtyn kómekshi re­tinde qyzmettik janýarlardy úı­retedi. Ujymdaǵy ár oqytýshy – óz isiniń kásibı mamany. Kezinde she­kara shebinde uzaq jyldar boıy qyz­met atqaryp kelgen kánigi shekarashylar. Kafedrada negizinen qyzmet ıtterin shekara buzýshynyń izin kesýge, shekaralyq baqylaý-ótkizý beketterinde kólikke jasyrylǵan zańsyz esirtki men valıýtalardy, jarylǵysh zattardy izdeýge baýlysa, sonymen qatar jattyqtyryp úıretetin kınolog mamandaryn da- ıyndaıdy. Kafedra daıyndaǵan kınolog mamandar memlekettik she­karanyń ár tarapynan shekarany zańsyz kesip ótkisi kelgen aza­mattar men baqylaý-ótkizý pýnkt­teri arqyly alyp ótýge tyıym salynǵan zattardyń jolyn kesip, jarylǵysh zattar men esirtkilerdiń shekara asýy- na jol bermeıdi. Sabaq barysynda akademııa qabyrǵasynda bilim alyp jatqan ár kýrsantqa bir qyzmet ıti bekitilip beriledi. Olar ıtterdiń ıis sezý qabiletin damytý arqyly jarylǵysh zattar men zańsyz valıýta­lardy ta­býǵa, shekara buzýshyny qu­ryq­taý­dyń aıla-tásilderin úıre­týge ma­shyqtandyrady.

Jaqynda kafedra bastyǵy, pol­kovnık Erkin Búrkitbaıuly men onyń orynbasary podpolkov­nık Igor Aleksandrovıchtiń uıǵarymymen Saryaǵash qalasynda ótken UQK Shekara qyzmetiniń bi­rinshiligindegi jarysqa aka­de­mııa­nyń atynan barǵan árip­tes­te­rimizdiń asyǵy alshysynan tú­sip, 2-oryndy ıelendi. Olar ke­li­simshart qyzmetiniń serjanttary D. Alkeev pen E.Nasırovtar bolatyn. Kafedranyń betke ustar kınologtary esirtki zatyn izdeý boıynsha arnaıy ıtterdiń úzdik maman kınology atanyp, maqtaý qaǵazdarymen ma­rapattaldy. Jalpy komanda boı­ynsha «Arnaıy ıtterdiń úzdik ma­many» aýyspaly kýbogyn jeńip aldy.

Akademııa qabyrǵasynda daıyndalyp jatqan bolashaq shekarashy ofı­serler shekara shebine qyzmetke kelgen soń, qaramaǵyndaǵy jeke quramǵa jylqyny shekarany kúze­tý­ge, júkterdi tasymaldaýǵa, ózen­der men taýly jerdiń soqpaq jol­darymen júrýge jáne tabıǵı jol kedergilerin ońaı eńserýdiń qyr-syryn úıretedi. Janýarǵa kere­gin­she kútim kórsetýge, baptap, ju­mysqa jáne demalysqa durys daı­yndaýǵa, qyzmetke paıdalana bilýge daıyn bolý sabaqtarynda ka­fe­dranyń aǵa oqytýshysy podpolkovnık A.Plahovanyń eńbegi eren. Ol shırek ǵasyrdaı qyzmet atqaryp keledi.

Kafedra oqytýshylary qyzmet­tik ıtterdi kútip-baptap, úıretip-jat­tyq­tyrýdy oqý úderisinde ǵa­na qol­danyp qoımaı, sonymen qa­tar kú­shik ósirýdi de iske asyryp, qyz­met­tik ıtter qataryn asyl tuq­ym­dy ıttermen de tolyq­ty­ryp otyrady. Bul turǵyda bir­qatar oń­dy ister júz­ege asyp ke­ledi. Aka­demııanyń jo­ǵary bas­shy­lyq­tarynyń keli­si­mi­men aldyn ala qurylǵan jospar boı­ynsha «Belgııa ovcharkasy» tu­qymyn qaldyrý maqsatynda júr­gizilgen jumys nátıjesin ber­­di. Bul kúshikterdiń anasy jo­ǵa­ryda atalǵan jarysta je­ńis­ke jetken jáne kóptegen jaqsy je­­­tis­tikterimen kóringen alǵyr, esi­­r­­tkini izdep tabýdyń sheberi. Onyń laqap aty «Aýra» dep atal­sa, qylmyskerdiń izin kesýge já­ne ustaýǵa qabileti jaqsy je­til­gen erkegi «Esaýl» dep atala­dy. Qa­zir úıretý-jattyqtyrý jumys­ta­ry­­men kúshik ósirýshi tobynyń aǵa nus­­qaý­shysy serjant U.Nurlan túp­ki­l­ikti aınalysýda. Kúshikterdiń or­na­las­qan orny sanıtarlyq jáne bas­qa da talaptarǵa saı. Buıyrsa alty aı­dan soń bul kúshikter de kýrsant-kı­nologtarǵa berilip, oqý úderisine be­riletin qyzmettik ıt­terdiń qataryn to­lyqtyrmaq. Kıno­logııa jáne atty daı­yndyq ka­fedrasynyń tájirıbeli ofı­ser­le­ri memlekettik shekarany kú­ze­tý­shi kınolog mamandarǵa qyz­met­­­tik janýarlardy qoldaný tásil­de­­­riniń qyr-syryn úıretý bary­syn­da olar­dyń minez-qulyq erek­she­likterin, qa­­sıetterin eskerýge, durys qoldana bi­­lýine de erekshe nazar aýdaryp ke­ledi.

Marat MOLDABEKOV, podpolkovnık, UQK Shekara qyzmeti akademııasynyń aǵa oqytýshysy