Byltyr dál osy jerde sý qubyry jarylyp, turǵyndardy úlken álekke salǵan bolatyn.
Bıyl osy kórinis taǵy qaıtalanyp, iri kommýnaldyq apat saldarynan jaqyn mańaıdaǵy jer úılerdiń ıeleri úlken zardap shekti. Jarylǵan qubyrdan atqylap aqqan sý aınalany lezde kóktaıǵaq muzǵa aınaldyrdy.
«Qyzyljar sý» kásipornynyń tehnıkalyq dırektory Arman Saýtovtyń aıtýynsha, apatty aýyzdyqtaýǵa 4 brıgada, 12 tehnıka, 30 adam jumyldyrylǵan. Kómekke «Kommýnhoz» JShS da tartylǵan.
Osy mańǵa tartylǵan eki shaqyrym jańa qubyrǵa jarty mıllıard teńge qarjy jumsalyp, qoldanysqa berilgenine bir aı ǵana bolypty. Endi, mine, sapasyz atqarylǵan jumys sarshunaq aıazda syr berip, jurtshylyqty úlken ábigerge salyp qoıǵan jaıy bar.
О́mir ESQALI, «Egemen Qazaqstan»
Soltústik Qazaqstan oblysy