«Azamattarǵa arnalǵan úkimet» memlekettik korporasııasy» kommersııalyq emes AQ-nyń oblys boıynsha fılıaly – «Halyqqa qyzmet kórsetý ortalyǵy» departamentiniń málimetinshe I jáne II toptaǵy múmkindigi shekteýli jandar úıden shyqpastan «Azamattarǵa arnalǵan úkimet» qyzmetin paıdalana alady.
Ol úshin 1414 nómirine telefon shalsa ortalyq qyzmetkerleri úılerine kelip, qyzmet túrin usynady. Byltyr óńirde múmkindigi shekteýli jandarǵa 240 memlekettik qyzmet túrleri usynylǵan. Ortalyqta olarǵa yńǵaıly jáne kedergisiz jaǵdaı jasalýda, «estý jáne sóıleý qabileti buzylǵan adamdarǵa «onlaın-sýrdoaýdarma» servısi iske qosyldy.
Korporasııanyń barlyq front-keńselerindegi sııaqty ortalyqta da arbaǵa tanylǵandarǵa shaqyrý batyrmasy men pandýstar, Braıl mátini bar taqtalar, nashar kóretinderge túısiný jolaqtary ornatylǵan.
Farıda BYQAI, «Egemen Qazaqstan»
Pavlodar