M.Mýsorgskıı atyndaǵy Astrahan mýzyka kolledjinde dombyradan aımaqtyq konkýrs ótti. О́ner mektebinde bilim alyp jatqan 7 men 16 jas aralyǵyndaǵy balalar arasynda ótken baıqaýdyń maqsaty ulttyq ónerdi ulyqtaı otyryp shyn talanttardy anyqtaý.
Saltanatty shara qazaq halqynyń dáýlesker kúıshi uly Qurmanǵazynyń eskertkishi basynda táý etip, oqýshylardyń qurmetpen gúl qoıý rásiminen bastaldy.
Jasóspirimderdiń baıqaýyna Reseı jáne Qazaqstan memleketiniń tanymal mýzykanttary qazylyq etti. Qazylar tóraǵasy Telman Ermaǵambetov Qazaqstannyń maqtaýly bilim qyzmetkeri, kompozıtor, «Aqjeleń» ansambiliniń jetekshisi.
Harabalı qalasynan kelgen Aıdar О́teshov konkýrstyń gran-prı ıegeri atanyp, syıaqy retinde Aqtóbedegi Qazanǵap atyndaǵy óner mektebine dombyradan sheberlik-synybynan ótýge arnalǵan joldamany jeńip aldy. Al «Solıster» atalymy boıynsha Sultan Batyrbekov (№4 Balalar óner mektebi, Harabalı, q.) birinshi oryn ıegeri boldy. Baıqaýǵa qatysýshylarǵa arnaı dıplom men estelik syılyqtar berildi.
Qurmanǵazy atyndaǵy aımaqtyq mádenı ortalyǵynyń dırektory Amangeldi Ábýlǵazıev qatysýshylardyń ónerine óris tilep qana qoımaı, mundaı konkýrstardyń aımaqtaǵy dombyra óneriniń damýyna jańasha serpin beretindigin jetkizdi.