Senat depýtattary Manap Kóbenov pen Nurjan Nursıpatov Pavlodar oblysynyń ákimi Bolat Baqaýovpen kezdesýi barysynda aımaqtyń tynys-tirshiligi týraly aıtyldy jáne turǵyn úı qurylysy men densaýlyq saqtaý nysandary, sondaı-aq sý qubyry jelisin jańǵyrtý máseleleri egjeı-tegjeıli talqylandy.
M. Kóbenov Ertis óńirin ekonomıkalyq damý qarqynyn joǵary baǵalady jáne áleýmettik mańyzy zor jobalardy iske asyrýǵa qajetti járdemdesýge ázirlik týraly aıtty.
Senatorlar Pavlodar aýdanyndaǵy Lýgansk aýylynda aımaqtaǵy iri óndiristik kooperatıvterdiń biri «Lýgansk» taýarlyq sút fermasynyń qurylysynda boldy. Kásiporyn jetekshisi Petr Kýzmenko depýtattardy nysan qurylysy týraly habardar etti. 316 múıizdi iri qara malyna arnalǵan kásiporyn jobasynyń jalpy quny 250 mıllıon teńgeni quraıdy.
M. Kóbenov pen N. Nursıpatov jumys istep jatqan sút kesheninde bolyp, eńbek ujymymen kezdesti.