2017 jyldyń 10-14 qańtar aralyǵynda Astanada Hokkeı aptalyǵy ótedi.
Osy sharanyń aıasynda áıelder arasyndaǵy hokkeı lıgasynyń juldyzdarynyń ıaǵnı, eki komandanyń eń myqty degen oıynshylary kezdesedi. Qazaqstandyqtardyń atynan bul oıynǵa «Tomırıs» áıelder komandasynyń sportshylary qatysady. Sondaı-aq, jastar arasyndaǵy hokkeı lıgasynyń oıynshylary da qatysyp, óz ónerlerin ortaǵa salatyn bolady.
Al, master shoýǵa qurlyqtyq hokkeı lıgasynyń úzdik hokkeıshileri qatysyp, osy sport túrindegi ár túrli elementterin kórsetetin bolady. Sonymen qatar, 14 kúni ótetin kezdesý bul Qurlyqtyq hokkeı lıgasyndaǵy barlyq úzdik oıynshylardan jasaqtalǵan eki komandanyń arasyndaǵy kezdesý bolady. Aıta keteıik, atalmysh oıynǵa Astanalyq «Barys» komandasynyń hokkeıshileri de qatysady.
Hokkeı aptalyǵy «Barys Arena» muz aıdynynda birinshi bolyp áıelder lıgasynyń úzdikteriniń shyǵýynan bastalady. Úzilisterde ÁHL úzdikteri jyldamdyqqa, tehnıkalyq oıynǵa baılanysty túrli jattyǵý kórsetip, tájirıbelerimen bólisetin bolady.
Al, 11 qańtar kúni Jastar hokkeı lıgasy dástúrli «Shyǵys» jáne «Batys» bolyp Jekpe-jek kýbogy jeńimpazdaryn anyqtaıtyn bolady.
Juldyzdy aptany qurlyqtyq hokkeı lıgasy tórt dıvızıonynyń quramalary qorytyndylaıdy.
QHL juldyzdarynyń kezdesýin «QAZSPORT» telearnasynan tikeleı efırde kóre alasyzdar. Tómende kórsetilimder kestesiniń ýaqyty kórsetilgen.