Senat depýtaty Rysqalı Ábdikerovtiń Qaraǵandy oblysyndaǵy jumys sapary odan ári jalǵasty.
Depýtat Buqar jyraý aýdanynda densaýlyq saqtaý jáne bilim berý salasynyń qyzmetkerlerimen kezdesti. R.Ábdikerov № 1 qazaq mektebinde ustazdar qaýymynyń eńbek jaǵdaıymen jáne bilim uıasynyń oqý-ádistemelik bazasymen tanysty. Ustazdar orta bilim berý júıesindegi jalǵasyn tapqan reformalar týraly óz oılarymen bólisti. О́z kezeginde senator mektepke jas mamandardy tartý týraly tilegin jetkizdi.
Aýdandyq aýrýhanada dárigerler qaýymymen kezdesý boldy. Bas dáriger S. Qajykárimov depýtatty emdeý mekemesindegi jańa tehnologııalarmen jáne dárigerlik jabdyqtarmen tanystyrdy.
Buqar jyraý aýdanynyń aktıvimen kezdesý barysynda áleýmettik-ekonomıkalyq damýdaǵy strategııalyq baǵdarlamalardy iske asyrý barysy talqylandy. R. Ábdikerov Parlament qabyldaǵan osy saladaǵy zańnamalyq aktiler týraly áńgimelep, aýyl turǵyndarynyń saýaldaryna jaýap berdi.
Senator Qarqaraly aýdanynyń damý barysymen de tanysyp, múmkindigi shekteýli jandarǵa arnalǵan saýyqtyrý ortalyǵynda boldy. Aýdandyq ákimdik ǵımaratynda máslıhat depýtattarymen, atqarýshy bılik organdarynyń ókilderimen, bilim berý salasynyń, quqyq qorǵaý organdarynyń qyzmetkerlerimen jáne ardagerlermen kezdesti. R. Ábdikerov Senattyń Konstıtýsııalyq zańnama, sot júıesi jáne quqyq qorǵaý organdary komıteti júrgizip jatqan jumystar týraly habardar etti. Jergilikti turǵyndar ózderin tolǵandyrǵan máseleler týraly aıtty. Kezdesýge qatysýshylardyń saýaldary azyq-túlik ónimderi baǵasynyń ósýine, tender júrgizý barysyndaǵy olqylyqtarǵa, dárigerler men muǵalimder eńbekaqysy deńgeıiniń tómendigine, mindetti dárigerlik saqtandyrý júıesin engizýge, zeınetaqymen qamtamasyz etýge qatysty boldy.