Astana qalasynda Premer-mınıstr orynbasary Asqar Jumaǵalıev jáne Aqparat jáne kommýnıkasııalar mınıstri Dáýren Abaev elimizdiń buqaralyq aqparat quraldary basshylarymen kezdesti.
Beıresmı kezdesý barysynda Asqar Jumaǵalıev pen Dáýren Abaev «Sıfrlik Qazaqstan» baǵdarlamasy týraly jáne Respýblıkamyzda júzege asyrylyp jatqan jobalar týraly aıtyp berdi.
Tilshiler suraqtaryna jaýap bere otyryp, Asqar Jumaǵalıev memlekettik baǵdarlamanyń der kezinde qabyldanǵany týraly aıtty jáne de Qazaqstan Úkimetine sıfrlik tehnologııalardy engizýdi júzege asyrý máselesinde aýqymdy jumys atqarý kerektigine toqtaldy.
«Elbasynyń tikeleı tapsyrmasy boıynsha Úkimet tarapynan memlekettik baǵdarlama jasalǵan bolatyn. О́z joldaýynda Prezıdent aqparttyq-tehnologııalyq sheshimderdi engizý qajettigin aıtty. Sıfrlandyrý – zaman talaby. Qazirgi tańda sıfrlik tehnologııasyz jetistikke jetken kásiporyndy elestetý múmkin emes, ondaı óndirýshiler taýarynyń sapasy men baǵasynda útylyp, básekelestikke tótep bere almaıdy. Oılap kórińizder óndiriste 10% adamı faktorǵa ıaǵnı adamnyń qatelikterine baılanysty. Sıfrlik tehnologııalar mundaı jaǵdaıdy boldyrmaıdy». – dedi Premer-mınıstrdiń orynbasary.
Aqparat jáne kommýnıkasııalar mınıstri «Sıfrlik Qazaqstan» baǵdarlamasynyń densaýlyq saqtaýdan bastap, óndiriske deıin barlyq salany qamtıtyndyǵy týraly aıta kele, jobalardy kompleksti túrde júzege asyrý kerektigine basa nazar aýdardy.
Kezdesý barysynda «Zerde» ulttyq ınfokommýnıkasııa holdıngi» AQ Basqarma Tóraǵasy Rýslan Ensebaev jobany júzege asyrý boıynsha aýqymdy jumystyń bastalyp ketkendigin jáne ár memlekettik organda Baǵdarlamanyń júzege asyrylý barysyn qadaǵalap otyratyn sıfrlandyrýǵa jaýapty ofıs qurylǵandyǵy týraly aıtyp berdi.
Esterińizge sala ketsek, «Sıfrlik Qazaqstan» baǵdarlamasy 2017 jyldyń 12 jeltoqsanynda qabyldandy jáne aqparattyq tehnologııalardy ekonomıkanyń bes baǵyty boıynsha engizý kózdelýde. Olar: «Ekonomıka salalaryn sıfrlandyrý», «Sıfrlyq memleketke kóshý», «Sıfrlyq jibek jolyn iske asyrý», «Adamı kapıtaldy damytý», «Innovasııalyq ekojúıeni qurý». Atalǵan baǵyttar boınsha 2018-2022 jj. aralyǵynda 120 is-shara júzege asyrylady.