Qazaqstan Respýblıkasynyń Prezıdenti N.Nazarbaevtyń «Tórtinshi ónerkásiptik revolıýsııa jaǵdaıyndaǵy damýdyń jańa múmkindikteri» Joldaýynyń negizgi erejelerin túsindirý maqsatynda Parlament Senatynyń depýtaty Serik Bekturǵanov Qostanaı oblysyndaǵy Denısov aýdanyndaǵy áleýmettik sala nysandarynda bolyp, saılaýshylarmen kezdesti.
Depýtat kezdesý barysynda Memleket basshysynyń Joldaýynda belgilengen 10 basymdyqty iske asyrý tetikterin jan-jaqty áńgimelep, jekelegen erejelerdi túsindirdi, sondaı-aq qoıylǵan saýaldarǵa egjeı-tegjeıli jaýap berdi. S.Bekturǵanov «Elbasynyń Joldaýyndaǵy barlyq mindetter memlekettiń keleshektegi damýyna arnalǵan», dep atap ótti.
Memleket basshysy aıtqandaı, jańǵyrýdyń negizi bolyp tabylatyn adam kapıtalyn damytý máselesine toqtala kelip, senator bilim berý salasynyń úzdik júıesin qalyptastyrýǵa nazar aýdardy. Aýdan turǵyndary Joldaýda aıtylǵan Elbasynyń bastamalaryna qoldaý bildirdi.